بقلم فاطيما يوسف

تبقى عاصي وعاق لابوك يا اما تطلقها وتكسب رضا الأب اللي هو من رضا الرب 
مجدي خرج من عند باباه وعدي على مراته اخذها والاتنين راكبين العربيه ما بينطقوش وكان لسانهم فقد النطق 
وهم من عادتهم لما يكون في مشكله كبيره ما بينهم ما بيتكلموش في ساعتها علشان ساعه الڠضب بيعمل البصر فالاتنين ملتزمين الصمت جدا وفعلا روحوا وما فتحوش الموضوع خالص مع بعض
وتاني يوم صحي مجدي راح على شغله واستاذنته ان هي تروح تزور باباها ومامتها وتفهم منه اللي حصل وهو طبعا اذن لها لان من حقهم هم الاتنين يسمعوا من الطرفين لكن هو طلب منها ما تتكلمش معاهم الا لما يرجع هو ياخدهم بنفسه ويفتحوا الموضوع مع بعض
وخلص مجدي شغله وراح على حماه وبعد ما قعد شويه وشرب قهوته مجدي وهبه طلبوا منه ان هم يقعدوا لوحدهم
وهو طبعا كان عنده فكره لان عادل لمح له باللي هيعمله في بنته
واول ما قعدوا اتكلم باباها
انا عارف والله العظيم انتم جايين تقولوا ايه بس لازم قبل اي حاجه وقران ربنا اللي انا ماسكه في ايدي ده كل كلمه هقولها لكم حقيقي وما كذبتش فيه ولا حرف 
اتكلم مجدي بكل احترام
بلاش حلفان على المصحف يا عمي انا هصدقك من غير اي حلفان اتفضل قول اللي عندك وفهمنا علشان خاطر احنا في ڼار من امبارح 
باباها اخذ نفسه
بتعب واتكلم علشان يوضح لهم الامور
في البدايه يا ابني احب اقول لك ان انا عمري ما اخش صفقه من غير ما والدك يكون موافق عليها واحنا الاتنين متفقين تماما على دخولنا فيها ولو واحد اعترض التاني ما يتكلمش ونسيب الصفقه نهائي وفي الصفقه الاخيره دي دخلناها برضا واقتناع مع بعض واحنا شركاء من البدايه والشريك بيبقى على الحلو والمر مع شريكه وبيبقى عن الخساره قبل المكسب ودي قانون الشړاكه الصحيحه اللي بحق ربنا
يشاء القدر ان احنا نخسر الصفقه وزي ما باباك خسر انا خسړت بالظبط وفعلا فقدنا فلوس كثير جدا عايزني اشيلها لوحدي في يرضي مين في قانون الشړاكه هو ده كل اللي حصل يا ابني ان باباك ما احتملش الخساره وفضل يعلي صوته قدام الناس وما اكتفاش بكده ده اهني قدام العمال كلهم وانت ممكن تروح تسال بنفسك من ورايا وانا ما ردتش الاهانه وهددني ان هو هيطلق بنتي منك وهيخرب البيت يا اما ادفع له كل الفلوس اللي دفعها في الصفقة 
مجدي اقتنع بكل كلمه قالها حماه لانه عنده حق الشريك بيبقى مع شريكه على الخساره وعلى المكسب ما ينفعش في المكسب بس واكد في سؤاله على حماه
يعني يا عمي الصفقه دي من البدايه ما كانتش اقتراحك انت وهو ما كانش موافق عليها زي ما هو قال 
مسك المصحف تاني وحطه على عينيه وكان باين عليه ان هو صادق في كل كلمه بيقولها
وعهد الله يا ابني ما كذبت عليك في ولا كلمه والصفقه كانت على اتفاقنا احنا الاتنين مع بعض والاتفاق كان حضره المحامي كالعاده علشان يظبط الشغل ممكن تتصل بيه وتساله وتتاكد من كل كلمه بقولها 
مجدي دلوقتي ما بقاش عارف يعمل ايه يروح ېكذب باباه هو دلوقتي في موقف لا يحتمل السكوت ولا الكلام هو وهبة الاتنين مش عارفين يردوا بإيه ولا يتصرفوا إزاي 
خلصوا قعدتهم وأخدها وأخد بنته وروحوا علي بيتهم وهم قلبهم مفطور من الزعل 
وأول مادخلوا كل