بقلم فاطيما يوسف

معاه على الحلوه والمره واللي بتفهموا بس من نظره عينيه علشان خاطر اوامر والده لكنه فضل مصمم يعرف السبب وقال لباباه
ما هو يا بابا مش معقول تطلب مني طلب زي ده ومش عايزني اسال عن السبب انت بتطلب مني ادمر بيتي واهد حياتي واطلق مراتي ام بنتي وعشره عمري عميانا كده لو سمحت يا بابا نتكلم مع بعض بهدوء واعرف السبب اللي مخليك ثاير عليها قوي كده ولو هي عملت حاجه لحضرتك واحنا ما نعرفهاش تعتذر 
عادل ما عجبهوش كلام ابنه وقال له بزعيق 
ابو الهانم شريكي اللي دخلته مجال الشغل وعرفت كل حاجه وخدته تحت جناحي وخليته معلم كبير قوي وفهمته الفوله غدر بيا وخسرني كل فلوسي في الصفقه الاخيره اللي دخلنا فيها بسبب غبائه وقال ايه عايزني اشيل معاه الخساره ومش عايز يديني فلوس اللي دفعتها في الصفقه وكانت اصلا الفلوس دي نص راس مالي اللي شغال بيه وفي الاخر اقول لك طلقها تقول لي لا اديك عرفت يا سيدي ارمي عليها اليمين حالا 
هبه ومجدي بقوا مش على بعضهم وجسمهم سايب من كلام عادل اللي مصمم على الطلاق ومش عارفين يردوا عليه بايه وبقوا في موقف يحسدوا عليه 
لكن مجدي اتصرف بحكمه وقال لهبه وهو بيغمز لها بعينيه من ورا باباه
معلش يا هبه اطلعي انت اقعدي مع سهام شويه عقبال ما أتكلم مع بابا ونشوف حل في الموضوع ده وخدي البنت معاكي 
هبه اول ما سمعته قال لها كده خدت بنتها وخرجت في سرعه البرق على بره من غير ما تعترض ولا كلمه من كلامه ومن غير اصلا ما ترد على اهانات حماها ليها ولباباها واكتفت بالصمت
وقف مجدي قصاد باباه ولامه على كلامه
هو ينفع يابابا تقعد ټشتم على باباها بالشكل ده قدامها وهي لولا انها محترمه ومتربيه كانت ردت ودفعت عنه زي ما انا برده ما رضاش ان حد يتكلم عنك بالشكل ده من فضلك تهدى يا بابا والامور بتتحل بالراحة 
عادل اڼصدم من رد فعل ابنه وعلى صوته عليه
هو
انت ياض انت ما عندكش ډم كل اللي يهمك ان انا شتمت ابوها اللي ڼصب عليا في فلوسي وخسرني 34 راس مالي ومش همك ابوك اللي هيعلن افلاسه قريب 
طب يا مجدي انا مصمم على كلامي وهتطلقها يعني هتطلقها ويا انا يا بنت الرشيدي في البيت ده وفي حياتك شوف بقى هتختار مين هتختار ابوك اللي تعب عليك ورباك ولا هتختارها هي 
مجدي كان هاين عليه الدمعه تفر من عينيه من كلام ابوه وبقى في موقف لا يحسد عليه ابوه بيخيروا ما بينه وما بين مراته 
وبقى قاعد يهز في رجليه ومتوتر وشاف والدته ساكته ما بتتكلمش تقريبا خاېفه من باباه لكنه استنجد بيها وطلب منها
من فضلك يا ماما ممكن تهدي بابا وتعرفيه ان الطلب اللي بيطلبه ده مستحيل اقدر اعمله واهد بيتي وحياتي وبنتي تضيع وخاصه انا وهبه بنحب بعض جدا نعمل قعده ونشوف الغلط فين والناس اللي هتحكم مين الغلطان فيهم واللي غلط يتحاسب لكن اهد بيتي وحياتي مش هقدر اعمل كده ابدا 
عادل شاور لمراته انها ما تنطقش ولا نص كلمه وحط مجدي في الاختيار الصعب بكلمتين قالهم له فقط لا غير
هتقف قصاد ابوك يا مجدي وهتعصيه وهتبقى ابن عاق وعمري ما هسامحك لو فضلتها عليا 
قدامك اسبوع بالظبط تفكر هتعمل ايه وهي