مـريم حكاوي_ايلول

استاذ سيف الكلام اخد وعطا ومش بالطريقه دي قولي عايز ايه وانا ادهولك.
بص لي بقرف وركب عربيته فركبت بسرعه
بلاش دي قولي عايز فلوس ايه وادفعلك.
نفخ ودور العربيه 
كمان دي مش عجباك طب قولي كام لايك وفولورز جداد وتسبني
ساق واتحرك بالعربيه بسرعه فبصتله
الله اكبر ده انت واضح مش هتعتق أمي قال تسبني قال.
ممكن تسكتي!
أسكت ليه وإحنا داخلين علي أيام ما يعلم بيها غير ربنا يا استاذ فيها إيه تقولي عايز مقابل إيه وتمسح الفيديو اللي مش لطيف ده.
مش لطيف!
قالها بضحك وكمل
حضرتك انت علي طبيب زيك وهو كان محترم ومعملكيش حاجه.
رفعت شفايفي
مين ده اللي محترم ده اكتر إنسان متنمر ده قالي بتوزعي الغتاته بالكيلو.
و ده مبرر
يعني بزمتك استحمل تنمره وتقله كمان!
عادي مطالبه انك تستحملي.
حتي لو كان قالي بارده وسمجه.
حتي لو كان القك كده.
مسحت دمعتي المزيفه
حتي لو قالي ابتسامتي صفرا ومشفهاش علي حد.
بص لي بأسف
هو صحيح غلط بس ولو مفروض تستحملي لأنك ست وستات معروفين بالهدوء والعقل..
قاطعته وصحت
يا سيدي انا معنديش عقل جيبني من الزريبه علي هنا عدل ليكم في حاجه! شاغلين نفسك بصفاتي القموره العسوله ليه بتشخصونها عليا ليه يا اللي منكم لله.
صفر بلا مبلاه طول صياحي وطول الطريق كمان فحاولت أبتسم
سوري ده كان معاد الفقره المحببه لقلبي ولازم كنت اتقمصها فممكن بقي تقولي رايحين فين
انت اللي ركبتي ومعرفش انت رايحه فين.
ماشي ما نت اللي هتروحه انا معاك فيه.
مردش فكملت
طيب ساهله عرفني علي نفسك كده وأنا اعرفك علي نفسي واهو منا أتسلينا.
لو شايفه نفسك تمن لب سوبر عارفيني يمكن اتسلي بجد.
حلوه العربيه دي يا تري جيبها من ريفيوز الجوسي و ١٠٨ ولا كبسو كبسو
مردش فبصيت علي هدومه البراند
حلو دي يا رب جيفتات ولا جيبها بعرق الجبين عادي!
مردش بردو فنفخت
ما ترد ولا..
قاطعني ووقفت العربيه وبص لي
أرد عليك ليه وانت أسألتك تافهه ميمشيش معاك ليه ان العربيه جيبها بشغلي العادي والهدوم من مرتبي اللي بخده ومش لازم كب واحد لابس حاجه حلوه ولا معاه حلو يبقي عايش بيتبرتع علي قفا الناس ولا بينهب اللي بيتعب وبيشقي علي حاجه بيليقي والله في الاخر.
صوتي ضعف قدام شكله المضايق ونبست
طب ما انت بلوجر عادي ودي شغلانتهم. 
دوري كويس هتلاقي مبادئ انفلونسير مختلفه عن الغير ومش كل من هب ودب يتعمله فلولو يبقي بلوجر ولا ترجعوا تعمموا علي الدايره كلها! وعلي العموم هي بنسبه لي هوايه لأ شغل اساسي ولا غيره ويوم ما الشغف ومبدأي بيتوافقوا سوا بروح.
نهي كلامه ونزل! فبصيت من الشباك
طب رايح فين
شاور علي جيم كبير من وراه
طالع لشغلي فيه مانع
وهتسبني كده
حضرتك جيتي مش أنا اللي جبتك.
واتحرك فضميت دراعاتي بضيق وهمست
طب والله منا ماشيه وهفضل قاعده.
وبصيت حواليا لقيت المكان هص هص وراقي وإبن ناس في نفسه زي الاخ اللي سبني من شويه وأكن فوله واتقسمت لنصين المكان هادي وهو هادي المكان هواه جميل وريتحه حلوه إبتسامته البسيطه جميله يا سبحان الله بجد!
نزل بعد اكتر من ساعه فشاورت له بأيدي
انت لسه هنا
ما انا في منطقه معرفهاش هروح ازاي وبعدين انت اللي سبتني.
يعني انا اللي بقيت غلطان
ابتسمت
لأ طبعا انا اللي غلطانه وسبت بنوته زي جميله تقعد لوحدها في عربيه وفي منطقه غريبه.
حاول ميضحكش علي