مـريم حكاوي_ايلول

انت بجد بارده وبرودك ده يستفزني وبيتعب لي قلبي.
ماشي يا عم اسفين.
وغتته وبتوزعي الغتاته بالكيلو.
هبقى اعمل حسابك في نص ما تقلقش.
وعليك سماجه ما وردتش على حد.
مقبوله.
اما بقى عليك ابتسامه صفراء و..
خبطته برزمه الورق اللي قدامي على رأسه
ما خلاص بقي قولتلك أسفين مقبوله يبقي تمشيها لكن متظتش في الزيطه كل إلا ابتسامتي دي قموره وجميله.
ظهر صوت شخص ما واقف قصادنا
ما ينفعش اللي بتعمليه ده حضرتك خليك مؤدبه.
بصيت له بأستخفاف
وحضرتي مش مؤدبه اقعد بقى زي الشاطر في مكانك.
والټفت اكمل اللي كنت بعمله وقولت
بجد بتستفزوني وتخلوني اخرج عن شعوري وانا جوايا ست مؤدبه ووقوره بس اقول ايه على صنف رجاله المتكبره اللي شايف نفسه عارف يا بدر لو ما اتعدلتش وبطلت تنظر علي شغلي وصفاتي الجميله اللذيذه والله لأعدلك واخليك عينه واحللك بدل العينات اللي بنحلها دي..تمام

بعد إيدي بزق
أوعي كده يا شيخه ايه ما صدقتي كنت بهزر.
ابتسمت بشړ
لو كده أوكيه كنا بنقول بقى مالها ابتسامتي
دي جميله ما شاء الله جدا ولا يقه علي وشك المفلطح.
ايه!
اقصد المربع.
ايه!
يوه المدور يا استاذه أيلول بتوتريني والله.
ضيقت عيوني بشك
ولا انت فيك إنه من امتى استاذه والاحترام المسالم ده في ايه!
دمع بعيونه وشاور بأيده لورا
يلا ابتسمي الكاميرا واعملي باي باي.
عقدت بين حواجبي بأستغراب
كاميرة إيه وباي باي إيه.
و بصيت ناحيه ما بيشاور لقيت نفس الشاب اللي اعترض على طريقتي بيصور ورافع كاميرة تليفونه
ويا ترى هتنزل على انهي جورنال دي يا استاذ
قفل التليفون بأبتسامه
علي الفيس الساعه واوعدك هتكوني ترند للصبح تحبي حاجه تاني
ريحت ظهري على الكرسي ونبست
بس أمانه لتكتب شاهد دكتور بياخد علي رأسه من دكتوره وبالخط العريض كده.
قاطعني بدر بضيق
ايه بياخد دي!دي كانت تهويشه.
شاورت بعيوني على الورق
تحب اوشهالك تاني
لأ متشكر..
والټفت قدامه
ما تقول حاجه يا استاذ سيف.
هزيت راسي بضحك علي إستغاثته
هيقول ايه يعني ده حتى اسمه سيف تحسه جاي من كيجي علينا.
ما هو من حقك تقولي اللي تقوليه ما انت ما تعرفيش مين ده.
هيطلع مين يعني رئيس الوزراء! ما يهمنيش باشا البشوات! ما يفرقليش..
بصيت قدامي ووجهت كلامي له بحمقة
صدقني حتى لو كنت مين هجيبك يعني هجي.. 
فقاطعني بدر بسرعه
يخربيتك ده سيف اللي جاي يعمل اعلان للمعمل هو المدير مقالكيش
بصيت له بخضه وانا بقعد بعد ما الحماس خدني
يا لهوي لا ما قاليش هو مهم أوي
عنده بس نص مليون ويدوبك في أول الطريق.
عادي جدا رقم قليل أوي و..
قاطعني تاني
ما البوستات بقى عنده والصور بتوصل لعدد كبير.
يعني هو معروف
ده متسيط يا ايلول متسيط وعليك العوض.
بلعت ريقي وبصيت لقيته جاي عند المكتب فعملت نفسي بجهز الكمبيوتر وقولت
مع حضرتك اتفضل ايه اللي بيانات
عايزاك تفكري هتختاري أنهي خانه تحطي فيها اعذار للمدير بكره وهو بيشوف الفيديو بتعاك وهو بيثمل ريفيو سئ.
حاولت اتكلمت بصوت بريء وهادي
هو حضرتك يعني مش إنسان جميل ومساعد وطيب ومؤدب فليه تصعبها على غيرك كده يرضيك
أبتسم
اه يرضيني لأن حضرتي مش مؤدب.
قمت بنرفزه
لجا عن حضرتك ما تأدبت هقعد اتحايل عليك يعني!
برق فتوترت وقعدت
احم انا اقصد يعني حضرتك فيها إيه لما تتأدب وكلنا نتأدب ونبقي مجتمع مؤدب وجميل.
إن شاء الله عند ام ترتر.
قالها ونزل فخدت شنطتي ونزلت ورا جري
استني بس يا