مـريم حكاوي_ايلول

وبالعتاب وبالحزن.
سند رأسي علي المكتب وغمضت عيوني بتعب فجأه فظهر صوت بدر
تفتكري البنت البلوجر دي هتعرف تعمل اعلان حلو زيه.
رفعت راسي بعدم فهم
هي مين دي!
البنت اللي لسه داخله قدامك يا ايلول مشوفتهاش ولا ايه ده انت كنت هتكليها بعينك.
ابتسمت فجأه
قول بجد والله هي جايه معاه بغرض الشغل بس!
وقبل ما يجوبني خرجوا هم من الاوضه يلفوا في المعمل في المدير جيه وطلب مني اقوم واقف معاهم
مش فاهمه هم صنايعيه ولازم اقف معاهم اوجب يعني!
اخلصي يا ايلول وبلاش غلبه عرفيهم علي الخدمات وكل حاجه علشان يعرفوا يطلعوا إعلان كويس.
قمت علي مضض واتجهت لأول اوضه تحاليل فليقته واقف لوحده فدخلت بهدوء
هي فين اللي معاك
في مكان تاني.
اتأففت
مش هقعد انا اجري وراكم والمكم.
ضحك
وتجري ليه هو اي تعب!
ما علشان مهتمي ابقي معاكم وصدقت فعلا اهو اي تكدير وخلاص.
قرب خطوه بتساؤل
حاسك مش طيقاني وده كده كده طبيعي بس حصل حاجه ضايقتك لأن ملامح اتبدلت فجأه واستغربت.
ضايقني سؤاله وانه اخد باله تغير حالتي فربعت إيدي بقصد
حضرتي مش مؤدبه فعلشان كده مبطقش الناس وبعاملهم بمية اسلوب في دقيقه اوكيه!
لأ حضرتك مش كده بس انت غريبه النهارده.
فكيت إيدي وفلتت مني نبرة عاليه
هو انت اصلا تعرفني علشان تقول كده ولا حتي اتعاملت معايا و..
قاطعني
اتعاملت يوم كامل ترقيبا وسبتيلي إنطباعات عنك غريبه فعلا بس مش مشكله الظاهر غلطت لما حاولت أسأل مالك بس علي العموم لما الواحد بيلمح ضيق غيره ويلاويس ويابخته وحظه لو جيه سأله بيبقي له مكانه غاليه عليه.
كان آخر كلام جمعنا وكان أول تلميح له بأن كان ممكن يجمعنا حاجه بس بتسرعي المعتاد طيرت في كل حاجه في ثانيه ومن بعدها مشفتش له أي حاجه ولا ظهور علي السوشيال ميديا ولا غيره حتي البنت التانيه جت تعمل إعلان لسيشنات وعروض جديده وهو مجاش!
وقفت قصاد الكافيه بفرحه ودخلت فلقيته قاعد علي ترابيزة بهدوءه العادي
كنت مستنيني صح!
رفع رأسه بأستغراب
انت جيتي ازاي!
قعدت
بيتي قريب من هنا وقولت أعدي عليك واشوف الأحوال والدنيا.
بص بضيق فأبتسمت
بهزر بقالك اكتر من شهر مختفي ومش بتنزل حاجه واول ما عرفت انك اخيرا جاي هنا جيت علي طول علشان انا خت بالي انك مضايق ومعني كده اني ععرفاك كويس ولما بسألك يبقي من بختك وحظك ها مالك بقي
أبتسم
مليش بس نسيتي تقولي وليك مكانه غاليه عندي.
زي ما ليا مكانه غاليه عندك
غلطانه علشان دي اعلي شويه.
سندت خدي علي إيدي
هو انت بتتصالح بسرعه كده ازاي وازاي الدنيا عندك طراوه وهاديه كده!
ضحك بقصد
علشان حضرتي مؤدب و مبيهونش عليا اسيب الناس تعتذر لي كتير.
شاورت بأستنكار وضيق
انا الناس!
انت بكل الناس.
مريم
حكاوي_ايلول