رواية مكتمله بقلم اسراء جمال

نفسي وأنا داخلة.
_سارة وأنا أقول المكان نور لييه.
تسلم يا عمو ده من ذوقك.
_عاملة مشاكل معاهم في البيت ليه كده سارة
ماتصدقهمش ده أنا غلبانة.
_ما أنا مصدقتهمش ف جبتك هنا علشان تثبتيلي.
يعني إيه
_يعني يلا بينا.
يلا بينا على فين
_لأ إنتي معايا متسأليش.
هي مالها بردت كده ليه على طول كده طب يضحك عليا طيب يجيبهالي واحدة واحدة ركبت معاه العربية كان ماشي بسرعة طيارة بس مش دي المشكلة خالص كان عمال يكلم واحد ويقوله
جهز ولا لسه الرحلة دي متكلفة يا حسين دي لحد غالي على قلبي.
أيعقل هيفسحني ده أنا لو عايشة في لندن أهلي مش هيعاقبوني بإنهم يفسحوني نمت على نفسي ومعرفش نمت قد إيه بس صحيت على مايه متلجة بتدلق فوق راسي بدأنا بقى كنت عارفة إنها مش هتعدي سليمة مع عمي ده.
_يلا بينا يا سرسورة.
على فين
_وإنتي معايا متسأليش.
قصده وإنتي معايا متبطليش تتشاهدي على نفسك مني لله على طفاستي دي بجد كان ماله مشروع الأكل يابنت الجبالي.
تعبتي من المشي
_جدااا.
ولسه هتتعبي أكتر.
_فيه إيه يا عمو مش كده الملافظ سعد حتى.
شوفي أنا راجل مخي طاير مني أه بس إلا الحق مقولش غير الحق.
_طب وإحنا كده رايحين فين!
رايحين لعالم جديد عالم هتكتشفي فيه حاجات مكنتيش تعرفيها عن نفسك.
_عالم جديد!
العالم ده خد مني عمر كامل أنا بقالي ٢٠ سنة فيه بس إكتشفت إنه أكتر حاجة أضيع فيها عمري وأنا مرتاح.
_عالم إيه ده طيب
عالم إكتشاف الذات.
_قصدك علم نفس
قصدي هتعرفيه لما تجربي دي حاجة بتتجرب مينفعش تتحكي.
وفعلا قررت أسكت حاسة إن الإسم شدني عالم إكتشاف الذات أنا عمري ما دورت جوايا يا ترى هوصل لإيه مع العالم ده!
_سرحتي مني فيين
في العالم.
_إحنا فعلا وصلنا العالم أهو تقدري تدخلي.
طب وحضرتك
_لأ دي رحلة فردية مينفعش أكون موجود فيها الرحلة دي بالذات اللي لازم تدخليها لوحدك دي أصدق رحلة هتخوضيها على مدار حياتك كلها.
أصدق رحلة هخوضها على مدار حياتي كلها!
حسيت إن جسمي قشعر من الجملة يا ترى أنا فعلا جاهزة للرحلة دي
دخلت وأنا قلقانة المكان كان هادي كل مكان كان فيه حبه قاعدين مع بعض أو حد قاعد لوحده زى الطبيعي بتاع أى مكان بس المكان نفسه كان جميل أوي فضلت ماشية ومش عارفة المفروض أعمل إيه بس قررت أسأل بنت من اللي قاعدين.
ياااه إنتي أول مرة لسه!
_أيوة.
يبقى إنتي بدايتك هناك عند المبنى ده.
وشاورتلي على مبنى كان شكله جميل أوي.
_مبني إيه ده
روحي وإنتي هتفهمي.
وفعلا روحت بدأت أخبط بهدوء وبنوتة جميلة فتحتلي.
_إنتي خاېفة كده ليه تعالي متقلقيش.
أنا أول مرة.
_نورتي المكان كله.
فيه بنوتة قالتلي لو عاوزة أبدأ الرحلة يبقى أبدأ من هنا.
_إنتي عارفة ده مبنى إيه
لأ للأسف مقالتليش.
_ده مبنى القرءان الكريم.
كنت خاېفة أوي تسألني حافظة إيه بقالي كتير أوي بعيدة.
_بنبدأ الرحلة من هنا مفيش رحلة إكتشاف ذات ينفع تبدأ من غير ما تصلحي علاقتك ب ربنا إكتشاف الذات بيبدأ لما تبدأي تعرفي كتاب ربنا تفهمي عنه علشان الرحلة مش سهلة ولازم يكون ليكي معين قوي ترجعيله لما تقعي وهو الله سبحانه وتعالي ومفيش أحسن من كتاب ربنا علشان تقربي منه كل ما تقعي في مشكلة إعرفي إن حلها موجود في مصحفك بس اللي يفهم المصحف صح.
بس مش بقدر بيحصلي فتور.
_كان عندنا بنوتة كده قعدت سنين تجاهد ولما جربت تقرأ سورة البقرة كل يوم خلصت ٣ أجزاء في شهر وكلنا كنا مبهورين سورة البقرة سحر حقيقي.
قعدوا يكلموني عن أثر القرءان في رحلة حياتي عموما وإنه ما