رواية مكتمله بقلم اسراء جمال

الاول 
_وإيه كمان يا غلبانة يا مسكينة
ربي إني عبدتك المظلومة.
_خدي المنديل ده إمسحي بيه دموعك يا غالية.
جيتوا عليا وأنا ولية غلبانة مليش حد غير ربنا.
_غلبانة ده إنتي اللي هتاكلي ورثنا بعد كده.
كل ده علشان كلت الأوردر قبل ما يطلع ما إنت اللي إتأخرت.
_يعني أتفق مع الناس جايبلكم الأوردر وجاى فجأة معلش أصل أختي كانت جعانة ف كلته
هتعدوا عليا الأكل كمان يا حظك في إخواتك يا سارة.
_قعدتي تقولي إعملولي مشروع أتسند عليه في المستقبل وأول أوردر كلتيه الناس تقول عننا إيه دلوقتي
تقول إن أنا ولية نزيهه مش محتاجة للشغل.

_وإتهببنا عملنا المشروع ليه لما إنتي ولية نزيهه مش محتاجة للشغل
علشان أنا إسترونج إندبنت وومن.
_قصدك إسترونج إندبنت طفسة.
مشي وسابني لوحدي مش عارفة مالهم مكبرين الموضوع كده ليه كل ده علشان كلت الفرختين والكفتة والبانية والسمبوسة لوحدي .
الكلام اللي إخواتك قالوه ده صح
_ماتصدقهمش دول أعداء النجاح.
كلتي الأوردر كله لوحدك
_كنت حزينة وإنتي عارفاني لما بكون حزينة بحب أبعبع باللي جوايا في الأكل.
تقومي تبوظي المشروع من أول أوردر.
_بصي خلاص بلاها المشروع ده ۏجع دماغ أصلا.
هو لعب عيال نعمل المشروع النهاردة نقفله بكرا
_أوومال الحياة سريعة يا أمي.
إنتي حلال فيكي تروحي تشتغلي مع عمك.
_عمي أبو دماغ طايرة اللي كل شوية يسافر سفريات مش معروفة ده
أيوة هو عمك ده.
_لأ أرجوكي متعمليش كده فيا يا ست الكل.
صدقيني هو ده حلك
_خلاص والله عيل وغلط.
مينفعش إنتي حلال فيكي تروحي عند عمك هخلي أبوكي يكلمه أول ما يجي.
_متبقيش قفوشة بقى يا زوزو.
أهو عشان لسانك الطويل ده هتروحي لعمك.
_هروقلك البيت كله إسمي من النهاردة شرشوبة بس بلاش عمي الله يسترك.
قعدنا نتناقش ساعة كاملة وعلشان أمي ست مصرية ديموقراطية أصيلة أول ما أبويا دخل قالتله يكلم عمي سأشكو إلى الله كل شئ نام يا مظلوم وإرتاح بكرا حقك يجي.
أنا كلمت عمك وقالي تروحيله بكرا الساعة ١٢.
_١٢ الضهر
أمال ١٢ بليل ليه عمك شغال في ملهى ليلى
_بس أنا مش بصحا قبل العصر و١٢ الضهر دي يعني لازم أكون صاحية من ٨ لأن الطريق ساعتين وساعتين أجهز فيهم مستحييييل.
ظبطيها زى ما تظبطيها لو حتى تصحي من الفجر المهم إنك توصلي هناك ١٢.
_يابابا سيبك منهم إنت حبيبي ومليش غيرك.
أنا كلمت عمك خلاص ومينفعش أرجع في كلامي.
حاولت مع بابا بس برضه كان مصر.
كل أعوانك باعوك يا هتلر.
_أحسن.
إنت تسكت خالص.
_وريني بقى هتعملي هناك زى ما بتعملي هنا إزاى
نام يا مظلوم وإرتاح بكرا حقك يجي.
_هدف رائع ولكن في مرمانا إحنا هننام مرتاحين فعلا علشان بكرا حقنا هيجي منك.
مكنتش عارفة هعمل إيه عمي أكيد بابا هيكون موصيه التوصية التمام بعد ما ماما وإخواتي سخنوه يا ترى هيعمل فيا إيه ده راجل دماغه طايرة أصلا ده أنا ما صدقت طلعنا من بيت العيلة بسبب دماغ عمي الطايرة وتهوره يا حوستك يا سارة يا غلبانة مكنش ليكي في الهم وۏجع القلب ده نمت الساعة ٦ والمفروض كنت أصحا ٨ إزاى معرفش لا سحر ولا شعوذة صحيت زى دراكولا شربت نسكافية بس هيعمل إيه ده أنا محتاجة تيمو علشان أفوق وياريت ينفع!
مع السلامة والقلب داعيلك.
_خلي بالك على نفسك يا سرسورة.
ماما خلي الكائن ده يسكت خالص.
_مغلطش ده بيقولك خلي بالك على نفسك.
نبرة صوته حاساه وكإنه بيعايرني.
_اللهم لا شماتة بس أنا شمتان.
مشيت بعد ما حلقة التنمر كاملة كانت عليا إنتو فين يا بتوع يتعافى المرء بأهله يجو يشوفوا أهلي واللي عملوه فيا وصلت عند عمي كنت بقرأ الشهادة على