رواية مكتملة بقلم ايمان حجازي

يا صاحبي ارجوك .. 
اخرج اللاسلكي وهاتف عمر عمر .. 
عمركله تمام يا فندم 
ادهم دور العربيه بسرعه انا جايلك 
ولم ينتظر ادهم رد عمر حتي حمل عبدالله علي كتفه وخرج به مسرعا الي عمر الذي ادار السياره ودلفو جميعا بداخلها ...
وبعد ان سلمو فيليب الجزار الي السلطات كي يتلقي علاجه ويستطيعوا استجوابه .. ذهبو بعبدالله الي مكان اخر .. بعيدا عن الجميع .. 

بعد مرور اسبوع..
حمدلله علي سلامتك يا عبدالله...!
نطق بها أدهم ما ان رأي عبدالله يفتح عينيه ببطئ ليجده يقف امامه وبجواره مرام تمسك يديه بحب وابتسامه كبيره مليئه بالدموع .. بادلها عبدالله تلك النظره ولكنها كانت خاليه من التعابير ولم تفهم مغزاها مطلقا ولكن فرحتها بعودته اليها كان اكثر ما يشغل تفكيرها وها هو يفتح عينيه مره اخري ..
نقل عبدالله بصره حوله فردد ادهم متقلقش يا عبدالله انت في امان .. بقالك اسبوع هنا والدكتوره مرام هي اللي تولت رعايتك بنفسها .. احنا جيبناهالك مخصوص من مصر عشان كانت ھتموت وانت بعيد عنها
نظر عبدالله الي مرام مره اخري بتلك النظره المبهمه وهذه المره قد لاحظتها وانتابها بعض القلق منها..
ترك عبدالله يديها وحاول النهوض واعتدال جسده فأسرعت مرام تضع يديها عليه وكذلك ادهم فنفضهم عبدالله بعيدا عنهم وهو يستوقفهم بيديه .. 
ابتعدا الاثنان عنه كما امرهم .. فتفهم ادهم غضبه ذلك وعرف انها لن تمر مرور الكرام عليه ..
نهض عبدالله واعتدل جالسا وهو يوجه نظره الي ادهم قائلا سياده المقدم المحترم.. ليه انقذت حياتي !
ادهم بحرج انت صاحبي يا عبدالله و...... 
عبدالله بنفي شديد وهو يستوقفه متقولش صاحبك .. انا مش صاحبك ولا عمري كنت صاحبك .. ولا انت مكسوف تقول انك كنت بتقوم بشغلك وان انا لو كنت مت مكنش هيفرق معاك لأن ده شغلك .. بالظبط زي اخويا .. عشان شغلك سبت ناجي ېقتله وحطيتني انا في طريقه عمال اخبط فيه ويخبط فيا ومستنيين نعرف مين فينا اللي هيقتل التاني في الاخر .. حطيتني معاه وانت عارف ان هو اللي قتل حمدي.. 
صدمت مرام مما سمعت ولكنها ظلت واقفه دون حديث فردد ادهم يا عبدالله انا معرفتش الا لما شفت الصور والفيديوهات اللي كانو علي اللابتوب بتاعه 
عبدالله بتهكم قصدك اللي سرقتهم من فيلتي لما جيتلي بالليل 
نكس ادهم رأسه ارضا قائلا انا كنت بقوم بشغلي فعلا يا عبدالله منكرش .. بس برضه انت متنكرش اني علي طول كنت في ضهرك ومأمنك و وراك خطوه بخطوه وده مكنش شغلي انا قلت لك قبل كده ان قضيتي ناجي وبس .. بس عشان انت صاحبي انا عملت كده .. اني احاول بأقصي جهدي ارجعك انت ومراتك لبعض ده مش شغلي .. انا كنت اقدر احميها واجيب لها اكفأ الظباط يحرسوها بس انا كنت عايزك انت عشان تفضل جنبها عشان حاسس بيك وعارف قد ايه انت اتظلمت في حياتك وهي كمان في خطړ ومحدش هيقدر يحميها بروحه غيرك.. وبعدين مين قالك اني سبت حمدي ېتقتل عشان شغلي هاا !!
نظر له عبدالله بترقب وكذلك مرام فتابع ادهم اخوك اول ما اكتشف ناجي وعرف هو مين واي اللي وراه جالي علي طول وبلغني بكل ده .. وقتها انا قلتله اني هشيل القضيه وهشتغل عليها انا ..وانت اخرج بره الموضوع عشان هما اكيد اكتشوفو اللي انت عملته ولو وقعت تحت ايديهم هيقتلوك .. قالي انه لازم يرجع عشان ينقذ واحده اسمها صوفيا وهي اللي ساعدته في كل اللي عمله في مقابل انه يخلصها من ناجي وتعيش حياه نضيفه الشهامه خدته عشان كانت بنت بلده.. قلتله اني برضه هنقذها وهرجعهالك وهوفي انا بوعدك ليها بس هو مصدقنيش وهرب من ورايا وراح لها .. مكنتش اعرف انه عنيد للدرجه دي ومبيفكرش وراح للمۏت برجليه .. اخوك هو اللي ضحي بنفسه انا مسبتوش ولا عمري كنت هسيبه 
عبدالله پغضب ولو .. انت خبيت عليا ان ناجي هو اللي قټله ومرضيش تقولي ومحستش بيا ولا پالنار اللي كانت مولعه جوايا .. سبتني معاه وانت عارف انه