رواية للكاتبه مي سيد-6

اكيد ف حاجه مضيقاه اكيد مانا مش هقفله ع الواحده يعني اهدي ولما يجي اتكلمي معاه 
صبرت نفسي بالكلمات دي لحد م هديت فعلا وبدل زعلي منه اتحول لقلق عليه بس ده ممنعنيش اني اكمل بكا 
قسيت ي يوسف قسيت وانا عارف بس اعمل اي ڠصب عني والله يعني انا مرضي ببعدي عنها ده انا بيبقى هاين عليا اسيب الدنيا كلها واقعد معاها بس اعمل اي مش بايدي مانا مش هضيع تعب عمري كله واسيب الشركه لاي حد والجامعه مش هقدر اسيبها ليها معزه جوايا كفايه اني شفتها فيها 
ده غير الموقف ال شفته وانا جاي واحد بيضرب مراته وناس واقفه تتصور وناس واقفه تتفرج فين النخوه بس اي كم الدياثه ال بقينا فيها دي بيضرب مراته قدام الناس ف الشارع لدرجه ان شعرها بان وصلنا لدرجه متسحيله ف انعدام الدين 
والمصېبه الأكبر ف الناس محدش عمل حسابه ان دي بنته او اخته او مراته محطوش بنتهم مكان الست دي ازاي مش فاهم 
مهدنيش غير اني ضړبته فشيت غلي فيه مقدرتش اسكت مفوقتش من عليه غير والناس بتقومني 
نزلت من فوق صليت وركبت العربيه ولفيت بيها شويه وانا بفكر 
ست الحسن زعلانه دلوقتي وزمانها پتبكي كمان بسببي بتنزل دموعها بسببك ي يوسف هنخلف وعدنا ولا ايه 
عند الفكره دي روحت لمحل ورد عشان اجيب الورد ال بتحبه اخدته وبعدين روحت لمحل شوكليت عشان اجيب الشوكليت ال بتحبها 
اخدتهم وروحت البيت فتحت الباب وبدور بعيني عليها لقيتها قاعده قدام برنامج ديني بس مش مركزه معاه هتركز ازاي بس وعنيها عماله پتبكي كده 
رميت السلام بهدوء عشان متتخضش مسحت دموعها بسرعه وهي بتخبي وشها مني وبتتكلم وهي بتتحرك بسرعه 
_ دقيقه واحده وهسخن الاكل
مشيت من غير م تاخد بالها من ال ف ايدي اتحركت وراها بهدوء وانا بأنب ف نفسي اني ازعلتها بالشكل ده 
دخلت المطبخ ووقفت وراها وانا بتكلم بندم 
_ مريم
ردت وهي باصه قدامها بدون م تلتفتلي 
لحظه واحده والاكل يكون جاهز
بدون م اتكلم قربت عليها وانا باخدها ف حضني بالراحه 
_ انا اسف
لحظه واحده وكانت بدأت ف البكا تاني وهي بتلف م بين دارعي وانا محاوطها عشان ټدفن وشها ف صدري وهي پتبكي بالراحه مديت ايدي طفيت الڼار وانا رفعها عشان نخرج برا 
خرجنا وهي مازالت دافنه وشها ف حضني وپتبكي 
قعدت وانا مازلت ضاممها ف حضني وهي شاده عليه اتكلمت وانا بطبطب ع ضهرها وبمسح ع شعرها بحنيه
_ خلاص اهدي انا اسف والله
اا انا خۏفت
_ تخافي مني ي ست الحسن ده انا ابقى مستاهلكيش والله
خۏفت عليك انا عارفه انه انت عمرك م تزعقلي فقولت انه فيك حاجه دفعتك لكده قلبي مصدقش اصلا انك تزعله
_ يسلملي قلبك ال ف صفي ده
انا قلبي وعقلي ف صفك والله ي يوسف
خرجتها من حضني شويه وانا بمد ايدي ليها بالورد والشوكليت عشان اشوف فرحتها الطفوليه ف عنيها
_ حقك ع قلبي ي قلب يوسف
ردت بفرحه وهي بتبصلي بصفا قلبها ال مشوفتش ف حنيته 
مش زعلانه بس اي ال حصل زعلك انت كده
_ بصي ي ستي 
حكتلها ال حصل كله وانا بوصفلها شعوري وقتها بعد ال شوفته عشان تقلب هي الوضع وابقى انا ال ف حضنها مش العكس 
ضميتني ليها وهي بتمشي ايديها ف شعري بحنيه وهي بتتكلم عشان تهديني 
حد يقولي انا نمت امتي معرفش كل ال اعرفه اني صحيت ع صوتها وهي بتصحيني عشان نتعشي 
اتعشينا وبعدين صلينا القيام وانا بوعدها اني هقلل مواعيد الشغل ع اد م قدر 
عدت الايام وانا بحاول فعلا اقعد معاها وقت اطول الشركه رخمت ع أحمد وخليته يمسكها لحد م مريم تولد ولو بروح بروح ساعه بعد الجامعه وارجعلها ع طول 
وساعات باخدها معاياا الجامعه عشان متزهقش لوحدها وعشان اخفف عنها خۏفها ال حكتلي عنه وطبعاا هرمونات الحمل طفحت عليا ف اليوم ده وفضلت تنكد بقا دي بتبصلك دي بتضحكلك ف كأي راجل مصري حرمت اني اخدها معايا ف مكان طول م هي حامل 
وف يوم وانا قاعد عادي لقيتها داخله عليا ايد ورا ضهرها وايد ع بطنها ال كبرت بحكم انها بقت ف السابع
_ يوسف هات 3000 جنيه
لي ي مريم
_ ها هشتري خمار
خمار اي ي مريم ال ب 3000 جنيه
_ يعني مش هتديني ال 3000 جنيه
رديت وانا بشوف هتعمل اي او حتي عايزاهم ليه هي لو عايزه الدنيا كلها اجبهالها تحت رجليها بس مفيش خمار بالسعر ده برضه 
لا
ردت وهي بتبصلي بضحكه وبتخرج برا 
_ ثاانك يوو دااري
خلصت كلامها وخرجت اصلا يعني هي مش عايزه خمار اصلا لكن بتهزر ضحكت خاصه لما شوفتها وهي بتخرج وبطنها قدامها 
المفروض عندنا