الفقيرة والغني

عقبال ما افرح بيك مع اللي تناسبك وتناسب عيلة الروبي.
مراد...ماما انا مش هتجوز غير اللي بحبها
كاميليا...الحب بيجي بعد الجواز بس انت لازم تختار اللي تصونك وتصون عائلة الروبي وتحافظ علي اسمها مش تروح تتجوز اي واحدة والسلام وتقول اصلي بحبها لازم تفكر بعقلك اكتر من قلبك
مراد بانجاز.....ان شاء الله يا ماما يلا انا رايح الشركة
كاميليا....مع السلامة يا حبيبي
وبعد ذهاب مراد جاءت الخدامة تخبر كاميليا بوجود شخص ما يريد مقابلتها
رواية الفقيرة والغني 
الفصل التاسع
وما كان هذا الشخص سوي ادم ابن عم سيليا دخل وكان مبهورا بكل ما تراه عيناه لا يصدق ان ابنة عمه في يوم من الايام يمكن لها ان تعيش في مكان كهذا بمفردها لابد له ان ينول من هذه الاموال فجأة الطمع عمي عيونه لا يري سوي المال لا يري سعادة ابنه عمه دخل وكان بنتظار دخول كاميليا
كاميليا وهي تجلس....اتفضل ايه الموضوع اللي عايزني فيه و ايه الصلة اللي بينا اصلا انا مش فاكرة اني شوفتك قبل كدة.
ادم.... انا ابقي ابن عم سيليا واخو زينب اللي ادهم المنياوي هيتجوزها
كاميليا...طيب وانا ايه علاقتي ومين سيليا دي اصلا
ادم...سيليا بنت عمي وبتشتغل في شركة ابنك والصراحة احنا المفروض اننا نتجوز لكن ابنك بقي هو اللي ظهر في حياتنا قلبها.
كاميليا پغضب..ابني عمل ايه ان شاء الله علشان تقول كدة ده انتو المفروض تحمدوا ربنا انه شغل ناس زيكوا انا مش فاهمة انت عايز ايه وايه علاقة ابني بيك انت وقرايبك
ادم....ابنك يا هانم داخل عامل فيها بيحب بنت عمي ومخليها مش شايفة غيره وانا قولت اجي ابلغ حضرتك يمكن تشوفي لي حل يعني
كاميليا پصدمة....مش معقول مراد يعمل كدة انت بتقول ايه.
ادم...بقول الحقيقة انا واثق ان في حاجة بينهم خليتها تتقلب عليا كدة مرة واحدة
كاميليا....طيب انا هشوف الموضوع ده تقدر تتفضل انت
ادم بانتصار.....تمام شكرا ليكي يا كاميليا هانم انا عارف انك هترجعي لي خطيبتي اللي سابت البيت والله اعلم هي عايشة فين دلوقتي
كاميليا....مع السلامة.
ظلت كاميليا تفكر في حديث ادم وكيف يفعل ذلك ابنها ظلت تسترجع كلام مراد عن انه سيتزوج من يحبها وانه ليس لها علاقة بالمستوي المادي والاهم هو وجود حب وتغير حاله هذه الفترة....علي الجانب الاخر كان مراد يجلس مع سيليا في وقت الاستراحة في مطعم هادئ ويتحدث معها
سيليا بخجل.... اتفضل يا مستر مراد اتكلم عن الموضوع اللي كنت عايزني فيه.
مراد....طيب بزمتك مكان زي ده ينفع تقولي لي مستر واقولك انسة والكلام الرسمي ده
سيليا بخجل ...امال اقول لحضرتك ايه
مراد..... علي فكرة انا تقريبا من سنك مش قد جدك يعني طول ما احنا برة الشغل انا مراد وانتي سيليا وبس من غير اي حاجة
سيليا...بس ميصحش يا مست....
قاطعها مراد....لا ينفع و لو قولتي مستر او الكلام ده تاني انا هزعل يرضيكي ازعل
سيليا بخجل شديد..لا ميرضنيش يا مس...
مراد...يا ايييه
سيليا....يا مراد
مراد... شوفتي سهلة ازاي... احم ادخل في الموضوع علي طول
سيليا...اتفضل
مراد ....سيليا انا شكلي كدة بحبك ومقدرش استغني عنك ونفسي نكمل حياتنا مع بعض واوعدك اني مش هندمك علي قرارك ابدا وهخليكي اسعد واحدة علي وجه الارض بس قولي اه
سيليا....
.
الفصل العاشر
سيليا....وانا كمان بحبك بس مقدرش
مراد... ليه يا سيليا صدقني انا مش هزعلك ابدا
سيليا...المشكلة مش فيك انت والله انا اللي عندي مشكلة
مراد...طب احكي لي خلينا نحلها سوا.
اخدت سيليا تسرد له كل ما حدث معها في بيت عمها وما كان يصدر من ابن عمها ومع كل كلمة يزداد الڠضب عند مراد الذي احمر وجهه من الڠضب وبعد ان انتهت
مراد ...سيليا انا مش هسيبك وكل واحد ظلمك هياخد جزاته بس وافقي انتي اننا نتجوز وسيبك منهم انا عايزك تثقي فيا وفي حبي ليكي
سيليا.....حاضر يا مراد انا موافقة بس ارجوك اوعي تخذلني في يوم.
مراد ....انا عمري مخذلك ابدا يا سيليا
سيليا....وانا واثقة من كدة
ابتسم لها مراد و يظلوا بعد ذلك يتحدثون في امور اخري وبعد ذلك كل منهم يذهب لبيته ولكن كلا منهم لا يعلم ما يخفيه القدر له
وبعد مرور اسبوعين وجاء يوم زواج زينب وادهم.
وبعد وقت من الفرح انتهي الفرح وذهب كل واحد الي بيته يلتقي مفاجأة من القدر لن تخطر علي بالهم
دخل مراد الي بيته وجد امه في انتظاره
كاميليا....كنت فين يا مراد
مراد...ما انا قولت لك يا امي كنت في فرح ادهم
كاميليا....ومين كان هناك معاك.
مراد باستغراب....هو في ايه يا امي هو ايه اللي مين كان هناك وانا همشي ادور علي الناس ولا ايه
كاميليا....يعني البنت اللي اسمها سيليا دي مكنتش موجودة ولا في اي حاجة بينك وبينها
مراد متفاجئ....حضرتك تعرفي سيليا منين يا امي
كاميليا...شايفة انك مأنكرتش انك تعرفها او انها كانت معاك.
مراد...سيليا تبقي بنت عم زينب يعني طبيعي تبقي موجودة وغير كدة انا بحبها وناوي اتجوزها وكنت عايز افاتحك في الموضوع بس مردتيش علي سؤالي
كاميليا.....ادم ابن عمها جالي وحكي لي