بقلم فرح وائل-3

وهي تحاول ان تفلت من يده وسع بس عشان تبقي تقولي انتي مجنونه كويس.. انا مجنونه يابت المجانين
عز لا انتي ست العاقلين.. اهدي بقا
الفتاه ينفع كده يا عز باشا.. انا مجتش جمبها اصلا وهي اللي بدأت وكلمتني بأسلوب وحش
كارما بت ملكيش دعوه ب عز وكلميني انا بدل ما ارزعك قفا اجبلك عما الوان
الفتاه وانتي مالك انتي اكلمه ولا لا هو كان من بقيه عيلتك
كارما لا خطيبي يا روح امك.. يا عز بقولك سبني عليها دي مش هترتاح غير لما افعص مناخيرها اللي اكبر من طموحي دي
عز پغضب كارما اهدي بقا..وانتي اتفضلي اخرجي
الفتاه يا عز باش..
عز بعصبيه قولت برره
خرجت الفتاه وهي خائفه من عز بينما انكمشت كارما في نفسها وهي بين ذراعي عز من الخۏف..وما ان اغلقت الفتاه الباب حتي نظر عز الي كارما ف وجد نفسه يحتضنها دون قصد منه..فهو كان يحملها وهو يشدها بعيدا عن تلك الفتاه وما ان لاحظت كارما ذلك حتي ابتعدت مسرعه عنه بأحراج..وهي تنظر في الارض بخجل..
عز لا يشيخه.!! اللي يشوفك وانتي مكسوفه اوي كده ميشوفكيش وانتي عايزه تاكلي البت
ما ان نطق عز بذاك الحديث حتي عادت تنظر اليه پشراسه وتقدمت نحوه پغضب وهي تصرخ به..
كارما يا اهلا بالبيه اللي بيخوني من قبل ما اوافق عليه من اصله..طب خوني في جنينه في كافيه متداري مش تخوني في القسم اللي انا رايحه جايه عليه..يعني مش كفايه خاېن..لا كمان خاېن وغبي
نظر عز الي انفعال كارما بأستغراب ومن ثم نظر اليها ببلاهه وقال بعدم فهم..
_ خاېن اي
مين دي يعززز
_ دي واحده كانت جايه تقدم شكوي في طليقها عشان مش عايز يدفع المؤخر وكده
يحبيبي وانت بقا الصدر الحنين اللي هطبطب عليها وتحميها من طليقها الشرير وتاخدلها حقها
_ ما طبيعي اخدلها حقها ما انا ظاب....
لا مش طبيعي واتلم وعدي ليلتك عشان متبقاش سواد علي نفوخك يا عزز
_ والله!! وايه كمان بقا... وبعدين مالك مټعصبه كده ليه لاحسن تكوني غيرانه ولا حاجه
هغير عليك انت!! ليه معنديش نظر
_ الكلام مش لايق ع العمايل بتاعتك دي يا كرمله والله
كرمله في عينك يبتاع المطلقات
_ يخربيت سنينك انت هتطلعي عليا سمعه ولا اي اي بتاع مطلقات دي
عز عدي يومك وخليني اخلص ام القضيه اللي جايه بيها دي واغور من وشك
_ انت جايه عشان قضيه
لا عشان سواد عيونك اومال لو كنت مخلص شويه كنت عملت اي اتوكس
_وهو يقترب اتوكس
ابتعدت كارما وهي تبتسم ابتسامه متوتره
هه مش قصدي لا التعبير خاني انا قصدي اتنيل ع خيبتك يعني.
_ومازال يقترب اتنيل ع خيبتي
انت عمال تعيد الكلام ورايا لي انت هنجت ولا الفيش عندك ضړبت
كاد ان يجيب عز عندما اصبح قريب منها ولكنها سبقته متحدثه في صياح
ابعد يا عز الله يهديك انت مصمم تخرجنا من المكتب دا ملفوفين في ملايه ابعد
ابعتد عز قليلا ثم اردف بتحذير وهو يرفع اصبعه امامها
_ خافي علي لسانك مني يا كارما
هتعمله اي يعني
_ هقطعهولك و اكله
تطفحه
_ يبت انت جايبه قوه القلب دي منين دا انا لو نفخت في وشك هروحك بيتكم
طب والنبي ارزعني نفختين رجعني المكتب ل رؤوف لاحسن مش قادره اركب مواصلات والله
ضحك عز وهو يضع يده علي وجهه بيأس من تلك الفتاه التي تحول اي حديث بينهم الي مزاح ذهب وجلس خلف مكتبه وهو مازال مبتسم
_ اقعدي يا كارما خلينا نشوف جايلنا بتهمه اي المرادي
وهي تجلس قتل عقبال عندك
_ عقبال عندي ازاي يعني يبت القادره
اصلها قتل عن عمد واحده قټلت جوزها
غمز لها عز بأبتسامه وقال
_ يستي طب نتجوز بس ومش هنختلف
عز بطل نحنحه وركز في شغلك عشان انا فاطره رنجه وبتنجان وقولوني شادد عليا ومش فيقالك
_ اي القرف اللي بيخرج من بوقك دا يا كارما اي اللي دخل البتنجان في الكلام اللي بنقوله دلوقتي دا وبتنجان ورنجه اي اللي بتفطري بيهم ع الصبح كده دي الساعه لسه 9
اومال هفطر اي يعني كڤيار وسمك فليه
_ انت بتتريقي علي كل حاجه كده
لا بتريق عليك انت بس
_ اه يبنت الل..
قاطعته كارما قبل ان يكمل سبه لها قائله في ابتسامه
بستثنيك يا عزو
ابتسم عز كالابله وحك عنقه بأحراج من تدليلها لاسمه ثم اكمل قائلا
_ لو كده ف معنديش مانع
طيب يلا بقا نخلص القضيه الشؤم دي عشان رؤوف مش طايق زفره اللي جايبني
_ يا كارما بقا ابوس ايدك اي الكلام دا اي زفره دي
ولا يعز انت ساكن فين وغوشتني عليك
_بضحك وغوشتك ازاي يعني
اصل انت ابن ناس اوڤر الصراحه مش بتاكل بتنجان ولا عارف يعني اي زفره وكسه لتكون ساكن في كومباوند
قالتها كارما بسخريه ولكنها تفاجأت بالاخر يهز رأسه بإيجاب دليلا علي الموافقه فأردفت پصدمه
ان شاء الله هزه