خديجة -2

وحضنته اوي وانا بعيط من خۏفي من اللي حصل هو مكنش قادر يتكلم اصلا بس حاول يضمني ويطمني 
بعياط قولتله مروان مروان انت كويس 
بصوت اشبه بالمعډوم انتي كويسه 
هزيت راسي بايوه ودفنت نفسي في حضنه بس قلبه بينبض بطريقه سريعه اوي وصوته واضح اووي لدرجه ان حسيت بده.
مروان انت كويس
ملامحه كانت شاحبه جدا غير الدم اللي مغرق لكن حاول يطمني انا كويس قومي نطلب البوليس قبل ما يفوق
قومنا وكلم البوليس وجم ومروان لبسه تهمة التهجم علي بيتنا وسرقه والشروع في قتلي فاكان كل ده قادر يسجنه نص عمره وده كان احسن خبر حصل في حياتي لكن مخدتش بالي من تعب مروان اللي بيزيد عليه .
بعدها كان بيروح الشغل ويرجع يقضي يومه في اوضته ومتجنبني ليه معرفش او يمكن ساعتها مجاش في بالي انه مش عايز يخليني الاحظ تعبه الزايد الفتره وملامحه الباهته لغايه اما في يوم خبطت علي باب اوضته ودخلتله كان قاعد حاطط وش بين ايديه قربت منه وقولتله 
_ مروان 
بصلي كملت وقولتله يالهوي مالك وشك مخطۏف كده ليه
ابتسم ابتسامه بسيطه عشان اتطمن مرهق شويه متقلقيش...في ايه كنتي عايزه حاجه 
اممم بصراحه اه
قولي
اصل اصل هاجر صحبتي انهارده خطوبتها وكان نفسي اروح واشوفها وهي عروسه مليش غيرها وملهاش غيري بس بس لو هتضايق بلاش . 
قام وجه ناحيتي واول ما قرب مني خرجت حركه تلقائيه مني من غير قصد وبعدت وشي الناحيه التانيه بسرعه وحطيت ايدي عليه. 
اهدي اهدي مالك فيه ايه
بتوتر مش قربت عشان تضربني !
تقريبا صعبت عليه ايوه شوفت ده في عيونه بعدها مسك ايدي وابتسم وقال في بنت بټضرب مينفعش بنت ټضرب وانتي بقي ست البنات فمبالك بقي بست البنات دي تتشال علي الراس . 
ياااه علي جمال كلامه بلسم بيطيب چروح القلب سكتت وفضلت بتأمل جمال عيونه زي البحر بيخطفوك ويغرقوك جواهم .
قطع سرحاني ده بصوته وقال ها بقي هنروح الساعه كام 
ايه انت هتيجي معايا بجد
تقريبا بيقولو اني جوزك 
ضحكت وقولتله انا مش عارفه اشكرك ازاي بجد
يلا بقي قبل ما اغير رأيي
لا تغير رائيك دانا هلبس فوريره
دخلت البس واما بصيت لنفسي في المرايا لقيت وشي بيضحك وملامحي بقت منوره عكس زمان وفضلت افكر فيه كتير لسه حنين عمر مالدنيا غيرته لسه نضيف متلوثش پقسوه الدنيا .
لبست فستان باللون الكاشير وطرحه من نفس اللون مع لمسات بسيطه من الميك اب عشان ينور ملامحي اكتر وخرجتله لقيته مستنيني ببدلة كحلي تحتها قميص ابيض حقيقي كان لايق مع لون عيونه وشعره ولا البرفيوم بتاعه اللي واصل لقلبي وعمري ما شوفت واحد الطف منه بطلته .
ضحكت وقولتله ايه رايح تشقط عروسه يا عم ولا ايه لو عايز تخطب قول يابني متتكسفش 
ضحك 
ضحك لا مرعاة لمشاعرك هنولك شرف انك تكوني عروستي انهارده في الفرح
ضحكت ولقيته مدلي ايده جريت اتشعلقت فيه ونزلنا روحنا الفرح وصلنا القاعه كانت هاجر واحمد بيرقصو اول رقصه سلو واحنا قعدنا نتفرج عليهم لوهله عيني دمعت كان نفسي اعيش اللحظه دي كان نفسي افرح بمروان قدام الكل واعيش تفاصيل العروسه بس النصيب بس كفايه عليا يكون مروان جمبي .
قطع شرودي وهو بيقول مالك 
ابتسمت مفيش انا زي الفل هروح اسلم علي هاجر اهي خلاص قعدت .
قومت وسلمت علي هاجر مبروك يا روحي عقبال الفرح كده ان شاء الله 
قالتلي بت مال صوتك انتي معيطه ولا ايه اوعي يكون ضړبك يا بت هو كمان
يضربني ايه انتي كمان مروان احن راجل ممكن تشوفيه علي وجه الارض ده بيخبيني من نسمه الهوا عشان متجرحنيش حتي هو اللي جايبني هو هناك اهو .
طب امال مالك فيكي ايه
مش عارفه يا هاجر قلبي مش مطمن خاېفه مش منه لا عشان ده الانسان الوحيد اللي بطمن وانا معاه بس حاسه ان لسه نصيبي مليان ۏجع تاني وانا مبقاش فيا حيل لۏجع القلب تاني.
سابت الكوشه والعريس وقامت خدتني في حضنها اوي ياااه علي الراحه اللي بحسها في حضنها دي مش صحبتي دي امي .
خلاص يا بت ركزي في فرحك بقي
مش عارفه افرح وانتي