خديجة -1

صوته وقوته فضل يخبط فيه في صدره جامد ويقوله يا اخي انت ايه شيطان ده الشيطان يتبرا منك انت جنس ملتك اييييه .
رد عليه وانت مال اهلك ومالكو كلكو انا هولع فيها هي تستاهل الحړق 
يا شيخ دانت اللي تستاهل ټموت بدل المۏته الف انا هرحم منك ومن اشكالك .
لقيت مروان قرب مني وفكني وقال _ تتجوزيني 
تتجوزيني 
كانت صدمه عمري اول ما سمعت الجمله دي لكن كنت مش قادره اجمع من الصدمة الاولي وهي صدمة ان اخويا كان هيولع فيا 
رد عليه ابراهيم وقاله خدها خدها عزرائيل ومرجعهاش مش عايز اشوف خلقتها بس اعرف ان انت اللي جبته لنفسك 
رد عليه بكرا الصبح هنكتب الكتاب واخدها بشنطة هدومها وهرحمها من خلقتك 
كنت مصدومه من اللي حاصل ومحروجه من سكان العماره اللي شافوني وانا مذلوله وشافو مروان وهو بيشفق عليا وبينقذني كان احساس بشع وكسرة ربنا ما يكتبها علي حد
كانت اطول ليله عليا مدوقتش فيها طعم النوم احاسيس كتير كانت متلغبطه جوايا ۏجع كسره احراج ذل خوف ايوه خوف بقيت خاېفه اغمض عيني في البيت ده بقيت مش مطمنه ولا قلبي عارف يفرح بأني هكون مع اللي عشت سنين بتمناه .
بارك الله لكما وبارك عليكما وجمع بينكما في خير 
كانت اخر جمله قالها المأذون وسط زغاريط امي وطنط كاريمان والجيران واحراجي وسطهم مكنتش قادره افرح ولا حتي ابتسم انا مكسوره اللي كسرني المفروض يكون اقرب الناس ليا .
بعدها مروان ومامته خدوني علي شقتهم عشان ياخد شنطه هدومه عشان نمشي اول ما دخلت معاهم عيطت 
طنط حضنتني وقالت مالك بس يا عروسه
رديت ما بين البكا وشهقاتي العاليه _ بكرهه من قلبي بكره كل لحظه قضيتها معاه بكره  من اي صوت عالي أو اي حد يقرب مني انا بقيت بټرعب اما اسمع خبط الباب سنين وانا في عذاب منه عشت سنين بستخبي اول ما بسمع صوت عربيته اللي بكرهه واول ما يدخل الشقه وريحته بتملي المكان بحس اني عايزه ارجع عمري ما کرهت قده كنت اول مابص في وشه بحس اني شيلت هموم كان بيتلذذ في پضربه ليا انا بكرهه .
بصولي بحزن نظراتهم ليا كانت بتقتلني اكتر الشفقه على حالي كانت اكتر نظره بتوجعني 
طنط ردت عليا وقالتلي انسي يا حبيبتي انتي داخله علي حياه جديده انسي الۏجع اللي عشتيه وابدئي من جديد 
بۏجع _ بس انا انتهيت خلاص.
قبل ما نمشي لقيت طنط بتحضني وبتهمسلي بصوت واطي وتقول خلي بالك من مروان ياخديجه ومتزعليهوش بالله عليكي ولا تعصبيه وهو والله حنين بس افهميه 
هزيتلها راسي بحاضر واول ما وصلنا شقته وقفل الباب اټخضيت وبصتله قالي اهدي اهدي مفيش حاجه ده الباب 
سكتت ومردتش راح قالي اختاري اوضه ليكي من الاوض وانا هاخد التانيه كلامه ده اكدلي انه جوازنا كله بعضه شفقه علي حالي مش اكتر وده اللي حسسني بكسرة النفس اكتر وهزيتله راسي بهدوء ودخلت علي اقرب اوضه ليا وعيطت ياااه لدرجادي هو ده اليوم اللي كنت مستنياه . 
روحت وقفت قدام المرايا وبصيت علي شكلي لابسه لبس مش لبس عروسه وراسي ملفوفه بالشاش والقطن ملامحي باهتة من كتر العياط وعنيا منفخه حقيقي كان شكلي صعب واتأكدت ان حقه يشفق عليا .
بعدها نمت نوم عميق كنت محتاجاه بقالي كتير ولكن صحيت علي حد بيخبط علي باب الاوضه هو كان خبط هادي بس اټخضيت
سمعت صوته من برا بيقول خديجه لو صاحيه اطلعي عايزك 
اطمنت اما سمعت صوته الهادي قومت غسلت وشي ولبست اسدال ولفيت الطرحه علي شعري وخرجتله لقيت اننا بقينا بليل .
احم احم 
حمدلله على السلامة ايه كل النوم ده 
اسفه والله كنت تعبانه 
ولا يهمك يا ست بصي انا جهزت العشا كده بما انك من الصبح نايمه ومأكلتيش واهو اكلمك في كلمتين واحنا بناكل 
متشكره جدا مكنش له لزوم تتعب نفسك 
طب يا ستي اتفضلي قدامي علي السفره
روحت وقعدت بعيد عنه في اخر السفره 
مالك هو انتي خاېفه مني 
تهتهت شويه ل ل ل لا لا