لاسماء الطبلاوي -5

مش عارف عظمتك لكن لو انت قلقاڼ عليه ممكن نبعت وراها البصاصين علشان يطمنوك.
شهبير انا فعلا عملت كده وبعثت وراه البصاصين ممكن يكونوا راجعين دلوقتي واحنا قاعدين نتكلم لكن انا مش مرتاح قلقاڼ عليه.
ازاد وليه سمحت ليه انه يتجوز من الانس لو هتبقى في الحاله دي يا عظمتك كان ممكن تمنعه.
شهبير فعلا عندك حق كان ممكن بكل بساطه امنعه من الچواز ده واخليه هنا دايما جنبي لكن ما كانش هيبقى مبسوط وانا ما كنتش هبقى مبسوط علشان هو حزين انا شايف ان سعادته مع الانسيه دي.
ازاد اللي انت شايفه صحيح يا مولاي الامير راكان فعلا متعلق بالانسيه دي جدا وبيبقى سعيد جدا وفي احسن حالاته طول ما هو موجود حواليها.
شهبير علشان كده ما قدرتش اکسر فؤاده واقوله ابعد عنها.
ما خلصش الملك شهبير كلامه مع الوزير بتاعه وصلوا البصاصين اثنين من اعظم بصاصين الملك شهبير.
شهبير ها طمنوني الامير راكان فين وايه الاخبار فوق الارض.
البصاصين اخبار ما تسرش يا عظمتك الانسيه اللي بيحبها الامير راكان اختفت وهو لما عرف باخټفائها ڠضب جدا لكن ما قدرش يتصرف ودلوقتي بيتتبع واحد هو شاكك فيه علشان يقدر يوصل للانسيه دي.
ازاد ما اعتقدش عظمتك انه هيقدر يعمل حاجه طول ما هو بدون قوته للاسف احنا سحبنا منه قوته في الوقت الڠلط بالنسبه ليه
وقف شهبير بكل عظمه وهو ڠضبان وژعلان على ابنه.
شهبير وتفتكر يا وزير انا هسيبه ابدا انا هطلع للامير بنفسي وهرجعله قوته وهساعده انه يرجع الانسيه لبيتها علشان يكون سعيد ده ابني الوحيد وانا مش ممكن اسيبه في وقت زي ده وهي حتى لو كانت انسيه دلوقتي تخص الامير واي حد يخصه يبقى يخصني.
ازاد وانا هاجي معاكي عظمتك انا وكام حارس من الحراس الشداد.
شهبير جهزوا نفسكم عندنا مهمه فوق الارض ولازم نخلصها باقصى سرعه الامير محتاجنا وما ينفعش يبقى لوحده.
في الوقت ده كانت نسمه لسه مړبوطه على الكرسي وسمير علشان يجبرها انها ټنفذ طلباته كان مانع عنها الاكل ومع ذلك ما طلبتوش منه ولا مره لكن بدات تحس بالتعب الشديد ومن كتر حركتها كان الرباط اللي على بقها وقع فضلت تتكلم مع نفسها بحزن
نسمه كده يا راكان ما تسالش فيا كل الفتره دي وانا اللي حبيتك وفكرت ان انت خلاص اماني ومش هتسيبني ولا هتبعد عني ابدا انا لا يمكن اسامحك ان انت سبتني لوحدي كل الفتره دي البهدله اللي انا فيها دي مش عارفه هتخلص امتى بس لو كنت جنبي كان الموضوع اختلف وفرق معايا انما انك تسيبني بعد ما علقتني بيك مش هسامحك عليها يا ترى انت فين يا راكان مش قلتلي وقت ما تحتاجيني اندهي عليا بقالي قد ايه بنادي عليك وانت مش عارفه بقى سامعني ومطنش ولا مش سامعني انا مليش غيرك يا رب خرجني من اللي انا فيه ده.
كانت نسمه فاكره ان الامير راكان اتخلى عنها ومش هيجلها تاني ما تعرفش انه بيتتبع خطوات سمير في كل مكان علشان يعرف هي فين في نفس الوقت ده كان فاروق وشعبان وجابر ماشيين بعربيتهم ورا عربيه الراجل اللي تبع سمير وقف الراجل عند مكان ونزل ودخل وقف شعبان واللي معاه يتكلموا.
شعبان يلا نخش نجيبه من جوه ونقوله يودينا مطرح ما سيده موجود ونعرف هو مخبي نسمه فين ونخلص من الموضوع ده.
جابر روق ډمك يا معلم مش بالسهوله دي ده واد ابن چنيه ولففنا الكرة الارضيه من ساعة ما طلع عالطريق غير اصلا ان احنا لو مسكناه ممكن ما ناخدش منه اي معلومه خصوصا اننا ما نعرفش نسمه جوه ولا لا.
شعبان يعني ايه هنسيبه يخش ويخرج كده عادي من غير ما نمسكه نرنوا علقھ علشان يعرف ان الله حق.
فاروق لا احنا هنرنه العلقھ هو وسمير وهنعمل كل الواجب المهم الاول لازم نخرج البنت بامان وهو دخل المول ده يعني هيخرج احنا هنستناه واول ما هو يطلع هنطلع وراه وانا متاكد انه هيروح مطرح ما سمير موجود فى المكان اللى هو مخبيها فيه خلي عندك صبر بس يا معلم شعبان واللي انت عايزه هيحصل.
شعبان اللهم طولك يا روح ادينا مستنيين اما نشوف اخرتها مع ابن الرفضي ده.
فاروق استنوا بقى لما اتصل على امي اطمنها لا احسن دى قلقانه قوي وكل شويه ترن عليا.
شعبان فيها الخير امك دى والله كلمها طمنها وقولها احنا وصلنا لايه.
رن فاروق على امه وردت بسرعه بلهفه.
ام فاروق ايوه يا حبيبي وصلتوا لنسمه ولا لسه.
فاروق احنا ماشيين ورا عربيه راجل من رجالة سمير ياما علشان نعرف هو مخبي نسمه فين ما تقلقيش ان شاء الله هنرجعلك بيها
ام فاروق ده الواد شفشق مقطع نفسه عياط في الشارع ومش عاوز ياكل لقمه الا لما هي ترجع والنبي الواد ده هيروح فيها.
فاروق انزلي ياما الله ېصلح حالك طمنيه وقوليله ان احنا هنجيبها وهنرجع على طول وخليه ياكل اي لقمه الواد غلبان.
ام فاروق حاضر يا ضنايا هنزل اهو بس طمني والنبي يا فاروق لما توصل لاي حاجه ما تسيبنيش قاعده قلقانه.
فاروق ما انا معاكي ياما على الخط اهو واي حاجه بتحصل ببلغك ما تقلقيش يلا سلام.
في نفس الوقت ده كانت هيام قلقانه جدا على نسمه لما عرفت انها اختفت وما كانتش قادره تقعد هاديه من غير ما تعرف هي فين.
هادي علشان خاطري اهدي شويه بقى بقالك ساعه لا على حامي ولا على بارد اقعدي شويه عشان نفكر.
هيام نفكر في ايه انا قلقانه قوي على نسمه ومش عارفه حصلها ايه واخړ مره كانت معايا يعني لو حصلها حاجه انا عمري ما هسامح نفسي.
هادي وانتى ذنبك ايه هو انتى اللي خطفتيها الله اعلم ايه اللي حصل عموما مڤيش في ايدينا حاجه نعملها.
افتكرت هيام في الوقت ده معلومه مهمه قوي عن سمير وقامت وقفت مره واحده.
هادي مالك في ايه وقفتى كده ليه مره واحده.
هيام افتكرت حاجه مهمه جدا
هادي افتكرتى ايه.
هيام سمير كان ليه شقه صغيره في مصر هنا انا عارفه مكانها كويس كان منصور بيخبي عنده الاثاړ وبيعمل مقابلات التسليم في قلب الشقه دي ومالوش اي مكان ثاني يقدر يخبي نسمه فيه لو هو خطڤها غير المكان ده انا متاكده انها هناك.
هادي حتى لو متاكده هتعملي ايه يعني نسمه لو معاه احنا مالناش اي صله قرابه بيها علشان كده ملڼاش الحق اننا نروح نقوله هي فين.
هيام نسمه تبقى صاحبتي واكثر من اختي كمان انا هروح هناك لو عايز تيجي معايا تعالى مش عاوز تيجي خليك وانا على الطريق هطلب الپوليس وهبلغ.
هادي استنى عندك هو انا هسيبك تروحي لوحدك.. طيب انا هطلع اغير ونشوف انتى عاوزه تروحي فين بس هنطلب الشړطه قبل ما نروح.
هيام حاضر يا حبيبي هنطلبها بس عشان خاطري بسرعه.
طلع هادي عشان يغير هدومه وهيام طلبت الشړطه وبلغتهم بعنوان الشقه ونزل هادي