انيسي شهد فرج 3
يتجوزوا علي طول وفي نفس يوم كتب الكتاب كان خطوبة مريم و ادهم بعد عناد زياد لأكتر من اسبوعين بسبب غيرته علي مريم ولكن في النهاية وتحت اصرارنا كلنا وافق علي مضض..
علاقتي انا وزياد قوت اكتر ب كتير وفي الفترة الاخيره كنا بنقضي اغلب اليوم سوى في تجديد شقتي انا و ماما رغم رفض خالتو القاطع اننا نسيب شقتها ولكن اكيد مكنش هينفع نفضل فيها لانها الشقة ال هيتجوز فيها زياد و إن شاءلله هتكون انا هقهقهق..
ضحك ب قوة علي شكلي المترب وانا ب رفع السجادة ف بصيتله ب غيظ
بدل مانت بتضحك كد تعالي شيل السجادة دي انا ضهري اتقطم يعني الشقة كلها ولعت إلا السجادة لسه محتفظة ب ترابها.
بص لي ب سخرية
انت عبيطة يابنتي انت مش عارفة التيشرت ده بكام ده من zara يا عسل.
إنسي يا كيان..
after 5 second
لا انا تعبت ومش قادر هو انت حاشيين السجادة دي ظلط...!
ضحكت ب قوة علي شكله وهو ماسك ضهره ب ألم و شعره و حواجبه المليانين تراب ف اتكلمت ب سخرية
الا هي دي زهرة الشباب ال بيقولوا عليها...!
شاركني في الضحك وانا بيمسح وشه وشعره
غالبا جات عندي وهنجت.. المهم يلا بيا العمال كد كد هيروحوا واحنا اتأخرنا برضو وبكرة ابقي كملي..
هي مش كانت المفروض تكون بكرة نبقي نكمل...!!
ليه يا عسل ولدتك ونسيتك ولا اي يلا يابابا هي ناقصة شغل عيال.
وبالفعل خرجوا العمال ف قفلنا الشقة واتجهنا ل شقة خالتو ال كنا متجمعين فيها كلنا ادهم ومريم و سارة و سليم وماما وخالتو..
كان الكل متجمع ومستنين وصلنا رحبنا بيهم وبعد السلامات اتجهنا كلنا للسفرة بدأنا ناكل في جو مرح لطيف
لفيت ب نظري في المكان كلهم كانوا موجودين إلا زياد ولما بصيت في اخر الطرقة لمحت طيفه في البلكونة ف اخدت مج النسكافية بتاعه عشان اديهولي لاني لاحظت انه مش بيحب يشربه بارد وحرام المج يتعمل علي الفاضي..!!
كالعادة كان وهو بيفكر في شيء حطيت المج علي سور البلكونة قدامه وكل ده مش حاسس بيا ورميتها ف انتبه لوجودي
ولأني مش عارفه فعلا انا جاية ليه سكت من الاحراج ولما افتكرت المج مسكته بسرعة ورفعته في وشه ب أبتسامة
خالتو قالتلي انك مش بتحب تشربه بارد ف قالتلي اجيبهولك
اخد المج وابتسامة جانبية ظهرت علي وشه ب خبث
بصيت له بغيظ وانا بشد المج من ايده
لا ماهو مش تحقيق وبعدين انا غلطانة اني عبرتك من اصله.
شد مني المج تاني واتكلم ب ابتسامة
خلاص قلبك ابيض كنت بهزر معاك.
اخد المج تاني وبدأ يشرب منه وانا واقفة مش عارفه اقول اي حسيت ان وقفتي كد مڜ حلوة ف قررت انسحب وارجع اقعد معاهم ولكنه غالبا حس ب تفكيري ف اتكلم وهة باصص للقمر
فاكرة الليلة ال كنا واقفين فيها نفس الوقفة دي يوم الحريقة ال حصلت..!
هزيت راسي ب أيوة ف كمل
يومها كنت عاوز اقولك حاجة بس معرفتش اكملها ومن يومها ما جاتش الفرصة المناسبة واعتقد ان ده افضل وقت عشان اقولك اني..
قلبي كان بيدق جامد و وشي احمر من الكسوف تراه هيعترفلي دلوقتي ولا اي..!!
بلعت ريقي ب توتر واتكلمت
انك اي...!
انا خاطب ياحبيبتي مش كد ولا اي يا زيزو...!!
انا لو حد تاففلي في حياتي مش هتبقي كد بجد..!!
بصيت علي مصدر الصوت واتفجأت ب بنت واقفة بس اي ملكة جمال اراني حبيتها الله وكيلكم..
كانت مركزة عيونها علي زياد ب طريقة مخيفة ف رجعت ب نظري علي زياد ال منصدم
فريدة..!!
الريتش واقع اوي ومحبط ف نتفاعل فضلا
أنيسي
بقلمي_Shahd_Farrag
٠ انه خاطب
