انيسي شهد فرج 1

ببرود 
اكيد مش هكون بكلم اللوح يعني..!
بصيت له ب طرف عيني وحقيقي يعني الواحد مش ناقص خفة ډم واستظراف ف سيبته ب هدوء ومشيت ناحية طربيزة قريبة من باب مكتب المدير مستنية سارة تخرج حقيقي مش عارفة هي اتأخرت كد ليه و..
حضرتك مرتبطة.. 
قاطع شرودي للمرة التانية صوته السمج وهو بيسحب كرسي وبيقعد قدامي وابتسامته الباردة ما زالت مرسومة علي وشه.
لا هو حضرتي هتقل من حضرتك دلوقتي لو ما اتحركتش من قدامي حالا.
رفع حاجبه واتكلم 
حضرتك بتكلميني..!
لا بكلم الكراسي..
!!!!
سكت وانا بنفخ ب ضيق لعله يحس اني مش طيقاه ف يقوم ولكنه خالف توقعاتي ب سؤاله 
انت ال هتشتغلي معانا جديد..
بصيت له ب استغراب وانا بفكر هو عرف ازاي اني جاية ل شغل ما يمكن اكون زبونة عادي ولا هو هنا مش بيدخل غير ال محتاجين الشغل..!
ماتفكريش كتير انا شوفتك داخله مع سارة وهي سابتك هنا ودخلت ل ادهم..
قاطع كلامه كلام سارة ال خرجت من المكتب 
اي دا يا كيان انت اتعرفتي علي مستر سليم
كيان اممم لطيف لطيف..
بصيت له ب ضيق وتجاهلت كلامه وانا بقف ل سارة في الوقت ال انسحب هو فيه واتجه لطربيزة تانية وعنيه علينا
عملتي اي طمنيني..
ابتسمت ب حماس 
مبروك ياستي مستر ادهم وافق تبدأي معانا..
حضنتها ب فرحة وانا بحمد ربنا في سري 
شكرا يا سارة بجد مش عارفه اشكرك ازاي والله..
ولا تشكريني ولا حاجه بس في مشكلة صغيرة يعني..
بعدت عنها ب قلق وانا ببصلها ف كملت كلامها 
مستر ادهم عاوزك تبدأي من النهارده..
مانا برضو استغربت ان الامور هتعدي عادي كد من غير كلكعة او تعاقيد 
طيب خالتو هقولها اي واكيد هتحس ب حاجة لما اتأخر كد خصوصا انها ماتعرفش اني هتأخر النهاردة..
ها يا كيان قولتي اي...
ولأني ماقداميش حل تاني وفي الاغلب مكنتش هلاقي شغل مناسب زي ده تاني قريب من الجامعة وبيت خالتو وافقت. وللحظ كمان كان تليفوني فصل شحن للاسف ف معرفتش اكلم حد منهم اطمنهم
وبالفعل بدأت الشغل وال كان كله في المطبخ الموضوع مكنش سهل اوي زي ما كنت مفكرة او يمكن لأني مكنتش متعودة ف فرهدت ب سرعة
في وقت البريك قعدت انا و سارة واتعرفت علي بنات كتير كان لطاف اوي ومن كلامهم عرفت ان سليم اخو ادهم الصغير وشريك معاه بالنص في الكافية..
تفكيري كله كان منحصر علي تأخيري ورد فعلهم ولكن كنت دايما بحاول اطمن نفسي ب انهم مايعرفوش جدول رجوعي وهما يدوب يومين ال فضلتهم معاهم ف اكيد هيفكروا اني اتأخرت في المحاضرات...
اتمني الشغل يكون عجبكم معانا..
وك عادتي واحدة بتسرح في اي حاجة قدامها ماحستش ب جوده غير لما اتكلم جمبي ف بصيتله ب استغراب 
واضح انك بتسرحي كتير..
لا هو ال انك مركز معايا اكتر... في حاجه حضرتك..!
رفع اكتافه بلامبلاه 
شكلك خلقية بس I like it.
But I didnt like this
ولكنني لم احب هذا..
سيبته واقف واتجهت للمطبخ تاني عشان اكمل شغلي ب تعب نفسي وجسدي
انتهي اليوم ب سلام الي حد ما لمېت حاجتي ب سرعة و ودعت سارة و لأن المسافة بين الكافية وبيت خالتو مش بعيدة اوي ولأني كنت محتاجة اوفر الفلوس ال معايا عشان باقي الشهر قررت امشي و اوفر فلوس المواصلات
مشيت ل ربع ساعة تقريبا لحد ما وصلت لعمارة خالتو طلعت درجات السلم بسرعة كان جوايا خوف كبير من الجاي