رواية مكتمله بقلم حبيبه مصطفي ج٥
ما عملت في الكافيه
أبتسم سليم لا لا كانت غلطه و خلصت
رغد أما نشوف
في غرفه ورد و زين...أنتهوا من أرتداء الملابس
زين نظر لورد انتي عسوله أوي
ورد أبتسمت وأنت برضوا
زين لبسك الواسع مخليكي أميرة و الخمار ده كأنه تاجك
ورد حقيقي بقيت متمسكه بالخمار اوي
زين ربنا يثبتك يا وردتي
ورد يارب
زين طب يلا ننزل
ورد ثانيه
زين مخلصتيش ولا أيه
زين بإستغراب ليه
ورد غمض بس
زين اهو
ورد أوعي تفتح ماشي
زين حاضر
ورد يلا فتح
نظر زين ليد ورد وجدها تمسك هديه
زين ايه دي
ورد أفتح بس و شوفها
أخذ زين الهديه و بدأ بفتحها
زين دي....دي ساعتين
ورد أيوه...ساعة ليا و ساعة ليك....بس عارف أيه المميز في الساعتين دول
زين أيه
ورد إن ساعتك أنت شغاله بنبض قلبي أنا...و ساعتي أنا شغاله بنبض قلبك..يعني لقدر الله لو انا مت..ساعتك هتقف ومش هتشتغل
ورد أه والله...يعني مهما بعدت عنك نبض قلبك هيبقي معايا أهو
زين حضنها وقال والله العظيم دي أحلي هديه جتلي في حياتي
ورد بسعاده بجد
زين أه والله
ورد عن نفسي أنا مش هخلعها من أيدي
زين يرتدي الساعه و يقول وانا برضوا
ورد دي أول هديه مني ليك بعد جوازنا
زين ليكي عندي هديه حلوه قريب أوووي
ورد أما نشوف....اه صح...يلا ننزل عشان زمان الكل خلص
نزل زين و معه ورد إلي الأسفل..وجدوا الجميع في إنتظارهم
علي ده لو انتوا العرسان مش هنستناكوا كده
ورد بإبتسامه معاك حق والله
سندس الله....بجد تسلم ايدينا
سمر اه والله
ثناء كنت خاېفه اوووي منلحقش نخلص الزينه
سمر تصدقي وانا برضوا
سندس الحمد لله خلصنا في الوقت المناسب و كمان عملنا احلي حاجه
بعد قليل بدأ المعازيم بالحضور
ذهبت ورد لتسلم علي والدتها
ورد حضنتها أزيك يا ماما
الام جميلة الحمد لله يا ورد
ورد تركتها وقالت أيه ده ! أومال بابا و أمير فين
الأم جايين من الشركه علي هنا
ورد هيتأخروا
جميله لا يا حبيبتي أنا نبهت عليهم ميتأخروش
يزيد طبعا بتسأل علي أمير و بابا و أنا شفاف
ورد أبتسمت و حضنته ده أنت الغالي يا يزيد
جاء زين وقال ازيك يا أمي
بعد كثير من الترحيبات جاء والد ورد و معه أمير...ثم بدأت الحفله و بدأ تلبيس الخواتم و كل هذا حدث و كانت نيرة في غرفتها
صعدت ورد إلي غرفة نيرة
ورد مش هتنزلي ولا أيه
نيرة لا نازله اهو
ورد فتحت الباب كي تنزل
نيرة ورد
ورد نعم
نيرة مين اللي تحت
ورد المعازيم كلهم مشيوا و العيله بس اللي تحت
ورد تمام بسرعه
نزلت ورد إلي الأسفل و وقفت بجانب زين
زين بهدوء أختك نازله أمتي
ورد طلعت كلمتها قالتلي نازله أهو
الأب محمد الف مبروك يا أسر أنت وأسيا
أسر الله يبارك فيك يا أنكل
محمد نستأذنكوا أحنا بقي
ورد بسرعة ااا...بابا...أستني عشان في حاجه لازم تعرفها
محمد بإستغراب في أيه يا ورد
ورد أستني معلش خمس دقايق
بعد دقائق قليلة...نزلت نيرة مما صدم أسرتها
نيرة بدموع تمثيل اا...أزيك يا بابا
محمد پغضب أنتي بتعملي أيه هنا
نيرة ينفع تسمعني
محمد بزعيق أنا بقولك بتعملي أيه هناااا
نيرة ممم.....مكانش في مكان أروحه غير ده والله عشان كده جيت لورد و جدي سعد الله وافق أني اكون عايشه معاهم لغاية ما تسامحني
محمد والله....مروحتيش ليه مع اللي هربك من فرحك
نيرة بدموع ممم...بابا سامحني بالله عليك....ابوس ايدك سامحني
الأم جميلة پبكاء ليه يا نيرة مشيتي في الطريق ده من البدايه يابنتي...ليه كده توجعي قلبي عليكي
نيرة پبكاء سامحيني يا ماما والله العظيم ندمت
محمد دخلتها ليه عندك يا سعد بيه
الجد سعد مكانش ينفع أقفل باب بيتي في وشها يا محمد خصوصا أنها اخت ورد يعني من عيلتنا
محمد الاب بعصبيه أنت عارف هيا جت هنا ليه...عشان تدمر حياة أختها
ورد بدموع سامحها يا بابا...خلاص هيا ندمت والله
محمد مش هسامحها طول ما انا عايش....البنت اللي متفكرش في سمعة أهلها و كسرتهم قدام الناس يبقي عمري ما اسامحها
سعد أنسي يا محمد و ده كان ماضي
محمد لا مش هنسي....تشيل نتيجة اللي عملته....يلا يا جميلة نمشي
جميلة پبكاء بالله عليك يا محمد
محمد يييلااا يا جمييله نمشي
و بالفعل أخذ محمد زوجته و أولاده و ذهب إلي الخارج
نيرة پبكاء أنا كنت عارفة....قولتلك يا ورد أنه مش هيسامحني...كان لازم تقوليلي أنزلي كلميهم هااه...أهم هانوني قدام الكل و شكلي بقي وحش...مش ده اللي أنتي كنتي عيزاه
ورد بدموع لا والله....انا بس قولت يمكن يسامحك لما تعترفي بغلطك و كنت عايزه اطمن ماما عليكي
نظرت لها نيرة ثم صعدت إلي غرفتها
سليم خلاص يا جماعه حصل خير
سندس يلا نطلع نريح و ان شاء الله اللي فيه الخير يقدمه ربنا
و بالفعل صعد الجميع إلي غرفته
في منزل محمد
جميلة پبكاء أنت ازاي قاسې كده هاااه
محمد بزعيق وانتي ازاي مستهونه باللي بنتك عملته....بنتك غلطت غلطه كبيرة لولا ستر ربنا اليوم ده كان زمان سيرتنا علي كل لسان
جميلة بس هيا ندمت والله
محمد بنتك مغلطتش غلطه صغيرة عشان اسامحها عليها....انا لغاية دلوقتي معرفش هيا رجعت ليييه....معرفش عملت ايه براااا من غيرررنا
ترك زوجته تبكي بحړقة و دخل إلي الحمام
في غرفة ورد و زين...جلس زين بجانب ورد وقال
زين متقلقيش يا ورد ان شاء الله ابوكي هيسامح نيرة و هترجعوا زي الاول
ورد بدموع يارب يا زين
زين قومي غيري هدومك و تعالي نراجع علي البحث بتاعك عشان هتسلميه لدكتور حازم بكره
ورد مسحت دموعها وقالت اه صح انا نسيت....خلاص ماشي و اوعي تنسي تكتب اسم محمود عليه
زين ماشي
ورد هغير هدومي و اجي اساعدك اهو
في الصباح
ورد و هي تلف الخمار طيب
زين و لو طول معاكي في الكلام انزلي للمدير مش تتناقشي معاه
ورد هحاول
زين لا اسمها حاضر مش هحاول
ورد تنظر له والله يا زين انا طيبه بس اللي اسمه حازم ده اللي بيعصبني
زين ايوا ايوا انتي هتقوليلي
نزلوا إلي الأسفل و تناولوا الفطار مع الجميع
ورد جدو اوعي تنسي العلاج
الجد سعد حاضر يابنتي
زين يلا يا ورد انا هوصلك
ورد أنت متأخر علي الشركه فلو كده هروح انا الجامعه لوحدي النهارده
زين لا مش مشكله هوصلك عادي
ورد معلش يا زين هروح انا لوحدي النهارده عشان متتأخرش اكتر من كده
زين خلاص ماشي...هتيجي الشركه بعد الجامعه صح
ورد ايوه ان شاء الله
زين تمام يا حبيبتي خلي بالك علي نفسك
ورد و هيا تأخذ الشنطه حاضر يا حبيبي....سلام يا جماعه
الكل سلام
و بالفعل ذهبت ورد إلي محطه الأتوبيس و ركبت أتوبيس رقم ١٨
عنود احممم عن اذنكوا
اسر راحه فين
عنود خارجه مع صحابي
اسر متتأخريش
عنود ماشي
و خرجت عنود
رويه يلا يا جماعه نروح الشركه
و بدأوا بالذهاب واحد تلو الأخر
عند ورد
ورد يا روفيده ڠصب عني
روفيده دكتور حازم متعصب اوووي يا ورد
ورد هتأخر هيا ربع ساعه بالكتير والله
روفيده طب انجزي
ورد حاضر
اغلقت ورد الهاتف
في منزل محمد
جميلة يلا يا يزيد عشان الدرس
يزيد حاضر يا ماما بدور علي الكوتش بس
جميلة انهي واحد
يزيد اللي لونه ابيض و فيه علامة Nike بالأزرق
جميلة حاسه اني شوفته النهارده
يزيد والله..طب شوفتيه فين
جميلة مش فاكرة
يزيد افتكري معلش
جميلة هو ڠصب ولا ايه....بس هتلاقيه عندك في الجزامه اكيد
يزيد شكرا لحضرتك بجد كنت رايح ادور في التلاجه
جميلة اه يا قليل الادب
يزيد اصل عندي في الجزامه ايه بس وانا واقف جمبها اهو و بدور مش لاقيه
جميلة اه افتكرت....هتلاقيه والله عندك في الجزامه في الرف التاني جمب الكوتش الاسود بتاع امير
يزيد متحلفيش بس عشان مش لاقي حاجه
جميلة لو قومت جبته
يزيد قومي والله مش هتلاقيه
ذهبت جميلة و وقفت بجانب يزيد و فتحت الجزامه و مسكت الكوتش وقالت
جميلة ايه ده
يزيد بإستغراب والله مش كان هنا انا دورت كويس
جميلة اه يا حبيبي هو طلع للكوتش رجلين و جه قعد هنا جمب كوتش امير
يزيد اخذه منها وقال يمكن
في الجامعه..كانت تسرع ورد الي المحاضره كي لا تتأخر أكثر من ذلك و تترك مجال لحازم للخناق
دخلت ورد وقالت ااا....اسفه...اسفه اووي والله حصل ظرف
حازم والله !....ايه بقي الظرف ده
ورد تحاول أن تأخذ نفسها اااا...انا جايه في الاتوبيس ووو....السواق كان سايق براحه والله
حازم وانا مالي انا بالكلام ده
ورد حضرتك اللي بتقولي ايه بقي الظرف فقولته
حازم امممم....مكانش المفروض تتأخري برضوا
ورد بعند والله! ... حاضر المره الجايه هقول للسواق انزل و اسوق انا معلش عشان دكتور حازم مانع التأخير
حازم ده انتي بتستظرفي بقي
ورد معلش محبيتش اسيبك تستظرف لوحدك
ياقوت اللي هيا أنا ليه كده يا ورد كنتي خوديه علي قد عقله احممم اني اسف
حازم والله....طب ادخلي
نظرت له من فوق لتحت وقالت كان من الأول
حازم بتقولي حاجه
ورد لا
دخلت وجلست بجانب روفيده
حازم كان المفروض انتي و واحد اسمه...اااا....اه محمود تعملوا بحث سوا هو فين البحث
ورد ثانيه
فتحت الشنطه و اخذت البحث و سلمته لحازم
حازم اه...بس قبل ما تيجي محمود قالي انه معملش البحث معاكي
ورد فعلا
حازم امام الطلاب اه و ده ليه بقي....يعني هو انا مكانش عندي لسان اقول ورد تعمل المشروع لوحدها ولا ايه
ورد بعتذر بس الظروف مسمحتش اني اقابله و اعمل البحث معاه عشان كده عملته لوحدي بس كتبت اسمه معايا
حازم يااادي الظروف اللي بتقف عند الاستاذه ورد بس....وبعدين كتبتي اسمه بس لا كتر خيرك والله.....و اساسا كنت قايل انتي وهو سوا عشان هو كمان يستفاد مش انتي بس
ورد هو حضرتك بتتكلم معايا كده ليه....و بعدين لو شايف انه مستفادش والله عندك لسان تقوله اعمل مشروع لوحدك يا محمود عشان تستفاد زي ورد
حازم بعصبيه انتي بتتكلمي معايا كده ليه
ورد زي ما حضرتك بتتكلم معايا بالظبط ولا هو حلو ليك تحرجني قدام زمايلي و وحش ليا ارد عشان كرامتي
حازم بزعيق وررررد
ورد انا مستحملاك من بدري لكن تعبت بجد....كل شويه اقولك بعتذر و اسفه لكن انت اللي مصمم تخليني اغلط و مستقصدني من بدري و تقلل مني قدام زمايلي
حازم انتي بتتخطي حدودك يا استاذه
ورد والله لو حضرتك مش محترمني و مش محترم نفسك فيبقي متطلبش مني احترمك
حازم تعالي....لا لا لا لا...بجد تعالي احنا ننزل للعميد احسن
ورد ياريت والله
تركت شنطتها و نزلت تحت الي العميد مع حازم
العميد في ايه
حازم في ان دي واحده مش محترمه و بترد عليا رد شبهها قدام الكل
العميد بس يا حازم مش كده
حازم ايه مش دي الحقيقه
ورد والله لو حضرتك فاكر اني عشان بنت و لابسه خمار ومحترمه مش هعرف ارد عليك...لا
