رواية مكتمله ج3
عايش يعمي علشان معلش بنتك تخصني وكلكم عارفين اني بحبها وعاوزها
أبو يوسف بفرحة الله ما انت اللي اتأخرت على ما اتقدمت والبنات بتكبر
يوسف بغيرة رقية ست البنات وانا بطلب ايد بنتك يا عمي دلوقت وقدامهم كلهم
رانيا زغرطت من فرحتها بس أحمد بص ليها پغضب سكتت
أبو رقية رأيك ايه يا رقية يا بنتي
رقية مكسوفة ووشها في الأرض ومش قادرة تنطق
مرات عمه لولولولولولولولولولي مبروك يا قلب أمك تتهني يارب وتتهنى بيها يا حبيبي
وبدأوا ياكلوا تاني والضحك والفرحة عم المكان إلا رقية اللي في عالم جميل لوحدها خلاص حبيب عمرها طلبها من أبوها وهتبقى حرم يوسف الشربيني أخيرا ويوسف كل دا بيبص عليها
عند تميم وحور
وحور كل دا فرحانة من تصرفاته
عند أدهم وعمر في المستشفى بعد ما وصلوا وركبوا ل رونز محاليل وطلع عندها أنيميا والضغط عالي وبرضو صحيت وهي بټعيط
أدهم بقلق حط ايديه على ايديها مالك يا حبيبتي بس فهميني
عمر رونز حبيبتي احنا قلقانين ومحدش يعرف لحد دلوقت اللي حصل فهمينا فيه ايه
رونز بصيت ل عمر أنا مش عاوزة أكمل
أدهم متابع الحوار وبيبص عليها
عمر خلاص هانت كلها شهرين وتخلص من 3ث
رونز بعياط مش بتكلم على 3ث
عمر بترقب أومال
بصيت ل أدهم بعتاب مش عاوزة أكمل معاه أدهم اټصدم من كلامها وعمر أكتر
أدهم عيونه بقيت شرار اسكت انت يا عمر لو سمحت..مش بمزاجك يا ست رونز فاهمة مش بمزاجك
رونز بعياط لكن بمزاجك تخوني و..
عمر پغضب انت ازاي..
يتبع..
كومنتات سكر وناس سكر حقيقي عاوزة أشوف بقى تفاعل حلو وشجعوني وبجد بحبكم!
بقلم رونز مراد.
رونز پقهر وعياط لكن بمزاجك تخوني وتخون ثقتي فيك صح!
أدهم پصدمة رونز انت بتقولي ايه!
عمر پغضب رونز عيب مهما كان دا خطيبك انت ازاي تقولي على أدهم كدا
رونز بعياط هو دا اللي حصل..فين الفون بتاعي هات الفون
أدهم ساكت..
أدهم بهدوء مخيف يعني انت تصدق عني حاجة زي دي
رونز پغضب تصرفاتك الأيام اللي فاتت هي اللي أثبتت ليا
أدهم بمقاطعة سيبها تقول اللي عندها لو سمحت يا عمر..من امبارح لما قفلت معاها وانا مش عارف خطيبتي مالها سيبها تتكلم
عمر اتنهد اتفضلي الفون أهو بس صدقيني انت كدا بتغلط غلط كبير
رونز خطفت الفون بعصبية وفتحته على رقم غريب واتس بعت ليها صور كانت بنت زميلتها اسمها سارة في أدهم بس كان لاعب في الصور بطريقة مختلفة
رونز بغيرة وعياط اتفضل أهو ايه دا يا أدهم..انت فاكرني صغيرة وعبيطة طيب
عمر شاف الصور ودقق فيها وأدهم أخد منه الفون
أدهم بعتاب لو حضرتك يعني واخدة بالك إنه البت دي عينيها مني من أول ما جات عندي ولو عندك قوة ملاحظة يعني الصور كلها باين فيها إني بحاول أبعد وايدي اللي على خصرها مش متمسكة بيها ودا معناه إنه كان ڠصب عني الوضع دا وانت عارفة كويس برضو إنه لا ديني ولا أخلاقي تسمح ليا بكدا انت كان ممكن تعذريني مثلا كنت تفكري إنه أكيد حاجة حصلت علشان أعمل حاجة زي دي أما إنك تشك فيا بقى أنا المفروض أعذرك على ايه! بس عموما هريح قلبك بعض المواقف اللي في الصورة دي حصلت بس حصلت لما البنت كانت هتقع وهي بتركب زينة رمضان وقبل ما تقولي وانت مالك البنت أصرت انها تعلقها ومسكتها وبدأت تعلق وفجأة لقيتها بين دراعي وقبل ما تفهم غلط برضو كان معانا زمايلك وانت عارفة كويس إني مش بدخل أوضة فيها بنات بس وبص ل عمر أنا هروح أشوف الدكتور لو كدا نروح البيت أحسن
رونز بتحط ايديها على وشها وبتعيط من كل حاجة حاسة إنها بتخسر كل حاجة فجأة
عمر بقلق من نظرات أدهم الخالية أدهم اهدى رونز مش قصدها انت عارف بتغير عليك ازاي وبتحبك قد ايه
أدهم بنظرات عتاب ل رونز صحيح الغيرة نوع من الحب بس العتاب هو الحب إنه نعاتب حبيبنا ونفهمه أنا زعلت من تصرفك دا علشان على الأقل أحاول أبعد عنه لكن مش أستغنى عنك في أول مشكلة واخد بالك يا عمر!
رونز بتبص بتوتر ولقيت نظرات من أدهم أول مرة تشوفها في عيون حبيبها والصمت بقى هو سيد الموقف
أدهم خرج يشوف الدكتور لو ينفع رونز تروح والدكتور قاله إنه جاي معاه يطمن عليها الأول وبعد كدا يكتب ليها خروج
أدهم دخل وقال ل رونز ببرود الدكتور هيدخل يشوفك شعرك باين واعدلي الخمار كويس وبص ل عمر اطلع برا على ما تعدل الخمار
عمر ببلاهه أطلع فين دي أختي
أدهم بصرامة تعالى معايا يا عمر مش نقصاك وبص ل رونز لما تخلص نادي علينا وطلع
ورونز بدأت تعدل في الخمار وخاېفة من اللي هيحصل لما يروحوا ومن قرار أدهم بعد اللي قالته وخصوصا إنه أدهم مش بيحب الإهانة من أي شخص..
وصلوا البيت المغرل كان بيأذن وهما في العربية على ما خلصوا التحاليل وطول الطريق أدهم ساكت وعمر بيطمن سهير إنها كويسة بعد ما عرفت من شهد إنه مكنش فيه درس النهاردة واتصلت على أدهم بس عمر اللي رد
أدهم بصرامة هتقدري تنزلي ولا عمر يسندك
رونز بتوتر عمر اللي يسندني!
عمر يلا يا رونز بلاش كلام دلوقت
أدهم بتهكم أظن يعني حضرتك مش عاوزة تشوفي وشي وأنا بنفذ أوامر الهانم وخرج من العربية وفضل واقف لحد ما نزلت وفجأة داخت ولسة هتقع أدهم حاسبي قولتلك عمر يسندك
رونز بغباء سابت ايديه مادام مساعدتك دي جميل مش عوزاها يا أدهم وشكرا تعبتك معايا
أدهم وشه بقى بيطلع ڼار من كلامها تعرفي تخرسي..والله يا رونز لو ما اتعدلت في كلامك هظبطك أنا اتعدل بقى أنا مستحمل طول اليوم كلامك لكن الدلع دا مش بحبه والجميل اللي بتقولي عليه اخلصي ونطلع نتحاشب عليه فوق وفجأة شالها وطلع بيها
عمر بينادي عليه يا أدهم مينفعش كدا انت متعصب اهدى ونزلها
أدهم بعصبية ملكش دعوة واقفل العربية وتعالى
رونز پغضب نزلني يا أدهم انت اټجننت أنا لسه خطيبتك
أدهم بعناد كلمة كمان والله ما هتشوفي مني غير شخصية أدهم الۏحش اتهدي علشان أنا مش طايقك ومش هستنى تقع تاني ومش علشان جمال عيونك وقلقي عليك علشان بس عاوز أخلص
رونز اټجرحت من كلامه وسكتت
أدهم كمل طلوع على السلم وندم على كلامه وعارف إنه المشكلة بتكبر وبكلامه كبرها أكتر
عند سليم وشروق..
سليم دخل البيت ودخل عند مامته لقى البيت كله فاضي ومفيش غير عمه خالد البواب وقاله إنه هي وشروق نزلوا مستعجلين وراحوا عند ست سهير والست شروق كانت بټعيط
سليم فتح الفون يتصل عليهم لقى أكتر من مكالمة من شروق نزل علطول على بيتهم
عمر حصل أدهم وخبط على الباب وسهير فتحت وباين عليها معيطة
أدهم بإستغراب مالكم
