رسالة ماجستير

او حتى نأجر شقة تانية اقولها لا .. انا اتولدت هنا وهعيش هنا وھموت برضه هنا.
مستنيبن ايه من ست عجوزة زي حلاتي عندها ٦٧ سنة وخلاص رجل برة ورجل جوة.
حابة حياتي كدا ومبسوطة واديني مستنيه قدري علشان اروح للحبايب اللي فارقوني وسابوني لواحدي في الدنيا تلطش فيا.
كنت قاعدة بتكلم انا ووعد لقيت الباب بيخبط قولت بصوت عالي وانا قاعدة  
_ مين بيخبط.
سمعت من برة صوت سلوى ونحمده جيراني اللي كتر خيرهم بييجوا يقعدوا معايا شوية كل كام يوم اهو بنفضل نتكلم ونرغي في اي حاجة وبلاقي الوقت بيعدي معاهم بسرعة روحت فتحت لهم دخلوا وقعدوا.. نحمده قالتلي 

_ يا صباح الورد يا ست الكل.
سلوى قالت  
_ عامله ايه دلوقتي طمنينا عليكي.
ضحكت وانا بقفل الباب وبقولهم
وعد بنتي حبيبتي مش سايباني محتاجة اي حاجة.. ربنا يخليكوا ليا كلكوا.
لقيتهم ف ثانية كده بصوا لبعض وسكتوا فجأة والضحكة اللي على وشهم اختفت سلوى حطت ايديها ف شنطتها وهي بتقولي 
_ بصي بقى يا ست الكل.. دي الجمعية اهي كاملة.. مش ناقصة جنية.. اتفضلي يا ستي.
بصيت للفلوس بإستغراب قولتلها 
_ جمعية ايه دي يا بنتي.. انا مادخلتش جمعيات.
بإرتباك نحمده قالتلي 
_ لا لا ازاي انتي نسيتي ولا ايه يا ست ثريا.. الجمعية اللي بتديهالي كل شهر دي.. خدي بس امسكي .. ده ميعاد اسمك .
قامت وحطيتلي الفلوس لسه هارد عليهم لقيتهم قاموا وخرجوا وهم بيبوسوني على راسي وبيمشوا ندهت على وعد.. جاتلي وقعدت جنبي قولتلها وانا حزينة
_ بيعطفوا عليا يا وعد.. شايفني ايه!.. بشحت ولا محتاجة صدقة.. ده انا خيري كان مغرق الشارع.. مش دي تبقى اخرتي يا وعد.. اوعي اخرجلهم واديلهم الفلوس دي.. انا مش عايزاها.
مسكتني من ايدي برفق طبطبت عليا وقالتلي وهي حاضناني 
يا حبيبتي ماتزعليش نفسك.. ماتخديهاش بالمنطق ده.. اقعدي بس.. هم عايزين يساعدوكي بس اتحرجوا وقالوا يجيبوها بالطريقة دي.. وبعدين مش انتي بتحبيهم وبتعتبري غلاوتهم من غلاوتي عندك.
قولتلها وانا باصة ف عيونها 
_ مافيش حد ف الدنيا دي غلاوته هاتقرب من غلاوتك.. انتي ف كفة والدنيا ف كفة.. بس انا يا وعد مش عارفه بيعملوا معايا كده ليه . هو انتي يا بنتي مخلياني محتاجة حاجة.. ربنا يخليكي ليا.. حسك ف الدنيا.. انا مش عايزة الفلوس دي.. انا مش عايزة غير نفسك جنبي.. صدقيني انا روحي بتترد فيا كل ما ابص ف عينك يا نور عيني.
من بعيد سلوى ونحمده واقفين جنب بيت الست ثريا كان واضح انهم بيتصنطوا عليها سلوى خرجت موبايلها وقالت لنحمده اللي سألتها بتعملي ايه 
_ لازم اتصل بيها يا نحمده.. الست ثريا مسؤولة مننا.. لو حصلها حاجة هانشيل ذنبها.. واديكي شايفه هي قالت ايه.. وسمعتي دلوقتي الكلام اللي قالته.. ده بالظبط نفس اللي الدكتورة قالتلنا لو حصل نكلمها.
ردت نحمده على سلوى وقالت 
ربنا يصبر قلبها.. حقيقي الموضوع ده صعب اوي يا سلوى.. اوي.. تعرفي.. انا حطيت نفسي مكانها كام ثانية كده كنت هاموت.. يا عيني الست ثريا لو عرفت بالحقيقة هاطب ساكتة.. لا فعلا الدكتورة لازم تعرف.. لازم الست ثريا ترجع المستشفى تاني.. لازم.
علشان كده لازم اعرف الدكتورة.. وهي اللي ف ايديها القرار.. استني يا نحمده ..اهو بيرن.
 كنت لسه قاعدة على المكتب بتاعي لقيت موبايلي بيرن لقيتها سلوى رديت عليها وعرفت منها موضوع الست ثريا قفلت معاها وانا بوعدها اني هارجعها تتعالج مرة تانية رميت الموبايل على المكتب وانا