اربعيني في قلب صغيره

قريب منها وفاهمها اكتر من نفسها معقولة انتبهت لجرس الباب فقامت بسرعة وهي بتقول بحماس 
انا اللي هفتح 
قبل ما همس تجري كان وقفها رائد بصوته وهو بيمسك ايديها 
بت انتي تعالي هنا
قال كدة رائد و اتوتر رائد وهمس كمان كانت مكسوفة اوي وهما الاتنين فضلو باصين لبعض شوية وبعدين رائد اتكلم بهمس 
هتروحي تفتحي بالبيچامة اللي انتي لبساها دي ولا ايه
ردت همس بنفس الهمس اللي كان بيتكلم بيه رائد 
ماهو مفيش حد غريب دي اكيد مامتك او اختك 
رائد كان مركز في عنيها وقالها بتوهان 
حتي لو امي او اختي قومي يا همس دلوقتي و روحي البسي حاجة طويلة
وش همس احمر من الخجل وبعدت بسرعة عنه بعد كلامه وسابته وجريت علي اوضتها وهي بتبتسم وبتحط ايديها علي قلبها يمكن دقاته تهدا ورائد ابتسم عليها وقام هو يفتح وكانت سمية امه 
ايه يا رائد كل ده عشان تفتح ايه عامل عريس ولا ايه
قالت سمية اخر كلامها بسخرية ورائد اتنهد بقلة حيلة لانه عارف ان امه مكنتش موافقة علي جوازه من همس في الاول رد وهو بيقعد قدامها 
ومعملش عريس ليه يا ماما مش انا عريس فعلا ولا ايه
لوت سمية وشها وكانت هترد بس قطع كلامها همس اللي خرجت وهي شايلة صنية عليها عصير ولابسة فستان طويل وكان حلو اوي عليها خلت رائد يلعن نفسه في سره عشان هو اللي قالها تغير كان باصصلها بحب وهي بتسلم علي امه بود وابتسامة واسعة بس ابتسامته اختفت لما شاف سلام امه البارد معاها وخصوصا لما صدتها عشان متقربش عليها وتبوسها وهمس وقتها اتحرجت وبعدت عنها وراحت قعدت جنب رائد وهو اضايق من امه وبصلها بعتاب وحاول يعدي الموقف فحاوط همس بايديه وضمھا عليه وهو بيتكلم 
تسلم ايديكي يا حبيبتي
ابتسمت همس ببهتان وهي بتبص لرائد اللي انتبه لكلام امه اللي من الواضح انها متعمدة تطلع عشان تضايق همس بكلامها 
وانت بقي يا حبيبي مش ناوي تنزل شغلك ولا عجبتك قاعدة العيال الصغيرة
امي 
قالها رائد بضيق وهو