رواية مكتملة بقلم ريهام علي

اتفرجي اتفرجي
وانتبهوا الاتنين للفرح
امام القاعه 
نزل خالد من عربيته وكان تليفونه بيرن خرج خالد التليفون عشان يشوف مين وكانت نجوي مراته
خالد نفخ بضيق ورد عليها بزهق
خالد نعم
نجوي هو انت مفكرني كرسي صالون في البيت ولا ايه ازاي حضرتك تروح الفرح من غيري
خالد نعم تيجي الفرح ازاي يعني معايا انتي مجنونه شكلك كدا وسيف حتسيبيه ازاي وهو تعبان 
نجوي وفيها ايه يعني منا كنت هسيبه مع باباك ومامتك وهما هياخدوا بالهم منه
خالد ايه التسيب اللي انتي فيه دا ازاي يعني والدوا اللي الدكتور قايل عليه في المواعيد امي وابويا ميقدروش علي رعايته لوحدهم وبعدين انتي وراكي ايه ما تقعدي بيه زي كل الستات
نجوي بعصبيه وانا زهقت من الروتين الممل دا يا خالد انا لو اعرف الجواز كدا مكنتش اتجوزت اصلا
دخل خالد القاعه وكان بيبص علي كل الموجودين بابتسامه بس اتقطعت ابتسامته لدقات قلب سريعه وغير محسوبه لما شاف زينه
عند زينه
مره واحده حست بأمان في النسيم اللي حواليها وبقت تشم في الهوا عشان تقدر تستمتع بريحة برفانه اللي عرفاها كويس اوي 
هيه كمان حست بخفقه في قلبها ودقات سريعه حطت ايدها علي قلبها بتلقائيه وابتسمت ابتسامه واسعه واتلفتت حواليها يمين و شمال 
وبقت تقول لنفسها بفرحه أ ا.أكيد موجود هنا مستحيل احساسي يكدب عليا ووقفت عشان تبص علي المعازيم عشان تقدر تشوفه او حتي تلمح خياله لو حلم
خالد ابتسم بتلقائيه لما شافها وقفت بتبص علي المعازيم لانه عرف انها حست بيه راح لمكان بعيد شويه يقدر من خلاله يشوفها منه وهيه متقدرش تشوفه
زينه كان لسه قلبها بيدق بسرعه مستني لحظة ما تقابل عيونه او حتي تلمح طيفه
تقي شافتها واقفه قامت وقالت ايه يا بنتي بتدوري علي حد ولا ايه
زينه هاا ل ل.لا. ب ب.بس ....
تقي بس ايه
زينه بعد ما حاولت تركز في كل المعازيم واحد واحد وملاقتوش فقدت الامل. خلاص وافتكرت نفسها بتتخيل بصت لتقي بخيبة أمل وقالت ابدا مفيش
تقي طب تعالي نرقص مع سما بقا
زينه لا مش قادره اطلعي انتي
وقعدت زينه وهيه شايله بنتها وبتفكر فيه
زينه لنفسها آاااااه يا خالد ليه بس ليه مش قادر تروح من بالي .. يارب سامحني يارب انت وحدك اللي تعلم اننا مش خاينه بس القلب ملوش سلطان ويعلم ربنا اننا عمري ما كنتش اتمني كدا في يوم بس هقول ايه بس الله يسامح اللي كان السبب
فلاااااااش باااااااااااك
في بيت زينه كانت خڼاقه كبيره جدا بين زينه وفتحي اخوها
فتحي بقولك ايه ياروح امك شغل تاجيل سنه ورا سنه دا مش عندي ما تتلموا كدا واتجوزوا يا اما كل واحد فيكم يروح لحاله
فتحي لا ما يعملش يا ختي انا اللي هعمل واللي ممعهوش ما يلزموش
زينه باستغراب يعني ايه
فتحي يعني هنتجوزي العريس اللي جايلك دا وتفكك بقا من الواد خالد 
زينه ضحكت بسخريه وقالت انت بتهزر صح
رضا مرات فتحي وهو هيهزر في الموضوع دا ليه يا زينه يا حببتي اخوكي عنده حق خالد هيفضل ياجل في جوازكم سنه ورا سنه كدا لحد ما تعنسي ويقولك انتي كبرتي ويشوف واحده غيرك
زينه بعصبيه اخرسي انتي منا عرفاكي عايزه تزيحيني من البيت باي شكل من الأشكال ليه يا شيخه وأنا حرقاكي في ايه
رضا حړقاني .. حارقه مين يا دلعدي حريقه لما تمسك فيكي وفيه يا ختي مالك محموقه كدا ليه وعامله زي لدغه عقرب كدا يكونش يا ختي الواد دا ضحك عليكي وخلي بيكي
زينه بدموع وعصبيه اخرسي قطع لسانك وبصت لامها وقالت اتكلمي يا ماما عاجبك كلامها وهيه بتتهمني في شرفي
امها بصتلها وقالت اسمعي كلام اخوكي ووافقي يا زينه
زينه بصتلها پصدمه وقالت انتي اللي بتقولي كدا يا