بقلم دعاء حجاج-5

مالك 
_مفيش يا محمود ارجوك متقولش لماما حاجه
_بس بشرط
_اي 
_متشربش القرف ده تانى ولا تيجى المكان ده
مالك حضڼ محمود وقال حااضر
_خد بالك من نفسك ٠٠٠٠مالك طلع وركب العربيه ومشي
_حضرتك ازاى تسيبوا كده ده دمر المكان
_انت محسسنى أنه دمر حاجه مقدسه ده بار فوق كده وخد بعضه ومشي
زق الكرسي برجله وقال أوعك تدخل مالك هنا تانى
_حاضر يا بيه !!
في الطريق
مالك كان سايق العربيه باقصي سرعه وقال أوعك تضعف يا مالك بالعكس لازم تكون قوي ومتسمحش ليها تفوز عليك ابدااا حتى لو بتحبها ٠٠٠
عند سمر 
كانت قاعده في الاوضه وماسكه دماغها وبتقول ماما عندها القلب ولو عرفت أن انا ومالك فعلا هنطلق ممكن ټموت فيها
سمر قامت وقالت بس انا مقدرش اعيش مع واحد زي ده
سمر بتردد بس ماما مقدرش إذيها ابدااا
وفجاه الباب خبط
_سمر
_تعالى يا ماما ٠٠٠٠والدتها دخلت وقالت الفطار ده لاحلى بنت في الدنيا
سمر ابتسمت وقالت ماما انتى بتحبي مالك
والده سمر باستغراب ليه في حاجه بينكم يا بنتى
_لا مفيش بسأل عادي
_واكرهوا ليه طالما محافظ على نور عينى يبقا اشيلوا في نن عينى
_طب لو طلع عكس كده خالص
والده سمر بدأت تشك في الموضوع وقالت انا مش عارفه اي اللى بيحصلى بس حاسه انك مخبيا حاجه عليا
_مفيش يا ماما اقولك انسي الكلام ده خالص
_طب افطري وصحيح ابوكى قال هيرن على مالك نتعشا سوا النهارده اهو قبل ما يسافر
سمر زورت مره واحده ومكنتش قادره تبلع الاكل
والده سمر جابت كوبايه مياه عالطول وقالت اشربي٠٠٠سمر شربت كوبايه المياه وأمها حطت أيدها على ظهرها وسمر افتكرت لما مالك زور وعملت معا كده
_انتى كويسه يا بنتى
وقالت مينفعش مالك يجى يا ماما
_مينفعش ليه إن شاء الله
_اصلا مالك هيسافر بدري قولى على الساعه ٧ كده
وفجاه دخل والد سمر وقال مفيش مشكله ينام هناا وانا شاء الله هوصله المطار قبل ما اروح الشغل ولا اي يا ام سمر
_فعلا ابوكى بيتكلم صح اي رايك
سمر قالت في سرها لو رفضت ممكن ماما تشك اكتر ما هي شكه اسكت احسن
_سمر !!
_طبعاا يا ماما ٠٠٠٠٠سمر ضغطت على سنانها وقالت القرار عجبنى اوى ماما بقولك
_اي
_شيلى الاكل ده والنبي
_مش لسه قايله انك جعانه اوى
_ما انا شبعت والصراحة عايزه اريح شويه
خدت الاكل وقالت والله ما عارفه اعمل اي معاكى 
_اقفلى الباب يا ماما اعملى كده
_طيب يا لمضه ٠٠٠٠طلعت وقفلت الباب وراها وسمر قامت عالطول وقالت اي المصېبه ده هعمل اي دلوقتى ده فرصه مالك أنه يطلعنى كدابه قدام اهلى
سمر مسكت التليفون وقالت ارن عليا 
سمر بتردد لاءء يا سمر أوعك تعملى كده انتى ناسيه عمل فيكى اي 
سمر رمت التليفون جنبها وقالت اسبها بظروفها وخلاص
والد سمر رن على مالك فعلاا
مالك بص على التليفون وفجاه وقف العربيه وقال اكيدااا متنرفز اوى وهيقول طلق بنتى
مالك مسك التليفون وفصل المكالمه ولكن والد سمر رن تانى
مالك خد نفس عميق وقال اخبارك اي يا عمي
_الحمد لله يا ابنى انت اي اخبارك
مالك فى سره يبقا سمر مقالتش ليهم حاجه
_الووو ٠٠٠٠روحت فين يا ابنى
_انا معاااك
_بما انك مسافر بكره قولت تنام عندنا الليله اي رايك
_مسافر 
_ايوه سمر قالت انك مسافر بكره الساعه على الساعه ٧
_سمررر
_انت كويس يا ابنى 
_اه كويس موافق طبعاا يا عمى هكون عندك الساعه ٨ بليل إن شاء الله٠٠٠٠٠مالك بتريقه اصلا بحضر ورق السفر
_تمام يا ابنى عايز حاجه
_سلامتك يا عمى ٠٠٠٠٠٠مالك قفل التليفون وقال حلو اوى النهارده هخليكى ټندمي يا سمر
عند فهد 
_تيم انا عارف انك مستحيل تعمل كده ولا زينه
_شكرا يا فهد
_ده مجرد كلام يا تيم لازم يكون معانا دليل ونعرف مين اللى عمل كده وكان هدفه اي 
_طب هنعمل اي 
_انت مش فاكر حاجه خالص من اللى حصل
تيم هز رأسه وقال للاسف مش فاكر اي حاجه اخر حاجه فاكرها الفيديو اللى كنت بعملوا عشان ابعتوا لماما أصلها خاېفه عليا اوى
فهد بص لتحت وفجاه قال فيديو
_ايوه
_كاميره الفيديو كانت شغاله وقت الحاډثه
_مش فاكر
_فين تليفونك 
_الفيديو كان على الكمبيوتر مش على تليفونى
_قوم تعالى نروح اوضتك
_في اي
_هتعرف بس تعالى٠٠٠٠٠تيم قام فعلا مع فهد وراحوا اوضه تيم
_الكمبيوتر فين
_على السرير اهو المهم انت ناوي على اي
_هتعرف بس اهداا
فهد شاف الكمبيوتر وقال الكاميرا لسه شغاله
_مش فاهم
_انت مش بتقول انك كنت فاتح كاميرة الفيديو
_اه
_يبقا اكيدااا الكمبيوتر سجل كل حاجه
_يا ابن الا اي ازاى مفكرتش في كده
فهد أنهى الفيديو ودخل على الاستوديو وجاب الفيديو اللى كان مدته اكتر من اربع ساعات
وتيم قعد جنبه وفهد بقا يقدم الفيديو لحد ما جاي اخيرااا عند الرجاله اللى دخلت لتيم
_فهد الباب انفتح
فهد بص وفجاه دخل شابين ولكن كانوا لابسين قناع ساعتها تيم قال انتوا مين
وفجاه الشاب مسكوا وغرز فيا الابره وتيم حاول يفلت نفسه ولكن مقدرش ولحسن الحظ وهو بيقاوم قلع القناع للشاب
_اي ده الشاب ده من رجاله حسن
_حسن مين ده 
تيم حكي لفهد كل