بقلم اسماء سليمان -11

وصفر جامد فخرجت زهرة ومحمد ودعاء وعمر وادم اللي واقف معاه وعبد الله ووليد زوج دعاء اللي نزل مخصوص علشان سوسن ودادة سامية وقال
حسام ومازال مبتسما تتجوزيني
سوسن وهيا بتبعت ليهم بوسه لا تعليق بصراحة
وفي نفس الوقت حطت ايدها علي قلبها من رد فعل زهرة وبصت لحسام وقالت بعيونها انت بټموتني حرام عليك فرد عليها بابتسامة ولكن عيونه بتقول سلامة قلبك يا روحي بس انا هعذبك شويه زي ما عذبتيني وطلعت عيني الفترة اللي فاتت
حسام بص الي احد الجوانب وطرقع صوابعه فخرجت سحر وعلي وقال
حسام تتجوزيني
سوسن بصت لسحر وعلي اللي عملوا اشارة ان احنا هنقتلك عشان خبيتي علينا وعمالين في نفس الوقت يرموا ليها قبلات في الهواء

حسام بص تاني وصفر وخرج عمار واسعد وفارس وكل اصحاب مروان وقال
حسام تتجوزيني
سوسن بحيرة مش معقول
حسام بص تاني وخرج مازن ودادة نعمات اللي ربت سامر ومازن وقالوا ليها مبروك بالهمس وقال
حسام تتجوزيني
حسام صفر تاني وخرج الدكتور عمر ثم الدكتور احمد والدكتور عبد الرحمن اللي بيعالجوا زهرة وقال
حسام تتجوزيني
سوسن هعيط
حسام فضل يبص كتير وكل مرة يخرج ناس كتير رؤساؤه في الشغل جيرانه اصحابه وكل الناس اللي سوسن بتتعامل معاهم من اكبرهم لاصغرهم حتي عم مسعد العامل واستاذ مراد اللي سوسن اشتغلت عنده وعلمها الشغل وكمان ابو سحر الاستاذ رائد واخوها ياسين ومامتها الهام ورغد خطيبه محمد واهلها ولو فيه حد سوسن سلمت عليه بس كان موجود في القاعة بالاضافة الي المأمور والعساكر اللي شهدوا اعتداء يوسف علي سوسن كانوا موجودين
سوسن بصت لمروان ايه اللي بيحصل
مروان بذهول والله يا سو انا عارف ان النهاردة خطوبتي ودلوقتي انا مش فاهم حاجة خالص وھموت وافهم
فوزيه بدهشة مع فرحة والله يا بنتي احنا منعرف حاجة مروان اتفق مع اصحابه انهم يخطفوا ادم بعد الفرح علشان حسام ينشغل وينسي موضوع الطلاق
عمار بسرعة والله يا حسام باشا انا رفضت بس اسعد وفارس وافقوا يساعدوا مروان
فارس واسعد في نفس واحد جبان
عمار الجبن سيد الاخلاق وانا لسه صغير وعايز اعيش
سوسن عيونها علي زهرة اللي واقفة بتضحك ومختفش من كلمة الطلاق اللي ذكرتها فوزية في كلامها وعيونها علي محمد بتحاول تفهم منه بس محمد بيداري عيونه عنها لانها بتعرف 
سوسن بحيرة عايزين تفهموني ان حسام اللي عمل كل دا صمت ومحدش رد
سوسن محدش بيرد ليه انت اللي عملت كدا دا علشاني
وتفاجؤا الجميع بصوت بيقول مش لوحدة طبعا
الجميع نسمة
نسمة وهيا بتمسح علي اكتافها بفخر وقالت ايوه ابيه حسام جالي المدرسة من كام يوم واتفق معايا علي الخطة اول ما سوسن تطلع الاوضه علشان تساعد سارة ارمي عليها العصير علي طول مع سبق الاصرار والترصد وانا حطيت التاتش بتاعي واختارت اكبر كوبايه عصير ورميتها عليها علشان تلبسي الفستان الابيض اللي ابيه حسام اشتراه
سوسن في محاوله للفهم اكتر وخطوبه مروان
سارة احم احم نحن هنا
مروان بذهول سارة
سارة بعد ما تقدمت خطوتين ابيه حسام اتفق معايا انا كمان الكل حتي مروان كان فاهم ان النهاردة خطوبتي انا وهو علشان متشكيش في حاجة والباقي انت عارفاه معلش يا سوسن سامحني يا مروان اني خبيت عليك اسفة يا بابا اسفة يا ماما
سوسن لحسام انت عملت كل دا علشاني
حسام بضحكة لسه شويه في ناس كمان اشتركت
سوسن مين
علي بصوت عالي نحن هنا مين غيري
سحر وهيا بتضربه علي كتفه من ورايا يا علي والله لاطلع عنيك كنت قولي كنت اشتركت معاكم
علي لو كنت عرفتي كنت هتكشفي الخطة بحالها
سحر يعني تفتكر كان ممكن اسيبها طول الوقت اللي فات حزينة ومکسورة وعارفه انها هتتطلق واسبها اذا كان بايدي اقول ليها خبر يسعدها كنت قولت طبعا
علي علشان كدا مقلتش ليكي اي حاجة غير خطوط عريضة ومن شويه
سحر انت اشتركت عملت ايه يا علوتي
علي بعد ما سوسن طلبت الطلاق من حسام حسام كلمني وحكي ليا علي كل حاجة وطلب مني لسته باسماء كل الناس اللي تعرفهم سوسن والناس الي اتعملت معاهم وكمان حجز لزهرة ومحمد ودعاء وجوزها وولادها علي اقرب طيران لمصر بعد ما حكي ليهم كل حاجة حصلت من يوم الجواز وطلب منهم السماح والغفران وقال لهم انه عايز يعمل لسوسن احلي فرح بدل فرحهم اللي كان علي الضيق ونزلوا امبارح ونوروا شقتي المتواضعة اللي كنت ساكن فيها قبل الجواز علشان محدش يشوفهم وتنكشف الخطة
سارة وعلشان خاطرك يا احلي سوسن ضحيت بخطوبتي انا ومروان ودي السنارة اللي وقعناكي بيها
مروان ههههه انا بقول يا فوفا نقعد انا وانت علي اي جنب او نروح ناخد دروس من حسام العاصي
حسام عرفتي كل حاجة تتجوزيني بقه
سوسن وعيونها في عيون حسام كل دا ليا
حسام تتجوزيني بحبك ونفسي اكمل باقي عمري معاكي انا معرفش باقي اد بس حتي لو ثانية اتمني تكون معاكي وليكي وبيكي وحواليكي
سوسن