بقلم فرح وائل-5

١١
غرام العز 
كرمله عامله اي وحشتينيلا
استدارت كارما وما ان رأت وجهه حتي ابتسمت ووقفت لكي تصافحه قائله بحماس
اي دا كيمو انت نزلت مصر امتي
لسه اول امبارح والله كنت لسه هجيلكم يومين كده ولا حاجه عشان اسلم عليك
اردف عز بعدما وقف هو الاخر وهو يسحب يده من يدها ويمسك بيد كارما
 تجيلهم فين يا حلو
كاد ان يجيب ولكن سارعت كارما بالتحدث مره اخري لتجذب انتباه كارم حتي لا تحدث مشكله قائله
مبسوطه اني شوفتك والله يا كارم
وانا والله بس قوليلي اي الشياكه والحلاوه الجمال دا يعني انا اسيبك سنتين واجي الاقيكي زي القمر كده ينفع

وهنا تدخل عز وهو يستشيط ڠضبا ويمسك كارم من ياقه قميصه وهو يقول في حده
_ لو خاېف علي تقاطيع وشك المسمسه دي اخفي من قدامي دلوقتي عشان دقيقه كمان وهعيد تأهيلك من اول وجديد
سحبت كارما يد عز بعيدا عن كارم وهي تحاول ان تهدأ عز قليلا قائله
يا عز دا كارم ابن عمي اهدي في اي احنا في المطعم
  ابن عمك انت كل يومين يطلعلك قريب شكل
انت بتكلمها كده ليه انت مين اصلا
  خطيبها
مش خطيبي يعني لسه بنتفق ع الخط...
نظر لها عز نظره قاتله جعلتها ترتبك فقالت بتوتر
خطيبي
خطيبك اي الهزار دا يا كارما بتتخطبي من غير ما اعرف يعني اي خطيبك
وقف امامه عز وهو في وضع الھجوم وقال پحده
  مش عارف يعني اي خطيبها تعالي اعرفك
جذبته كارما بخفه بعيدا عن الطاوله قليلا وعن مسامعهم وقالت له في هدوء
عز الله يخليك عدي اليوم واقعد ساكت واهدي شويه متفضحناش
_ مفضحكوش دا انت يومك اسود يا بتاعه كيمو انت قال كيمو قال انت مبتعرفيش تنادي حد بأسمه يختي شوفيه هوبا وشويه كيمو وانا قرطاس ماشي معاك بقا
ما انت بتدلع بنت خالتك يا اخويا وانا مبنطقش
 مبتنطقيش اه يبت الكدابه والله ما هحلك يا كارما
طيب نعدي العشا دا بس ونبقي نهلهل بعض واحنا مروحين متشمتش خالتك الحربايه دي فيا والنبي يا زيزو
نظر عز الي خالته وجدها تبتسم بشړ ف عاد بنظره اليها
  ماشي يا كارما بس وحياه امي لارنك علقھ ع العمايل اللي انت بتعمليها دي اتكي ع الصبر
طب اتكلم ع قدك بس
لم يجيبها عز ولكن رمقها نظره حاده ثم رجع الي الطاوله واصر والده ان يجلس كارم معهم كونه احد افراد عائله كارما وبعدما جلسوا جميعهم سأل والد عز كارم قائلا
عبد البارئ انت خريج اي بقا يا كارم
كارم خريج حسابات ومعلومات انا وكارما قد بعض علي فكره اتولدنا في نفس اليوم عشان كده سمونا كارم وكارما قال يعني توأم وكده
اردفت كارما بضحك
كارما ايوا فاكر لما كنا في ثانوي كنت بستغل الحوار دا بصراحه واخد الواجب بتاعه واخر ما زهق بقا يعملي الواجب بتاعي وبتاعه
كارم بضحك اه والله دا انا كنت علمي والبجحه دي كانت بتخليني احللها واجب التاريخ والجغرافيا
عز بصوت خفيض يرب نقفل حقيبه الذكريات دي بقا
سوزان ماشاء الله علاقتكم جميله اوي شكلكم متعلقين ببعض
كارم جدا دي حتي كارما من كتر ما كانت متعلقه بيا جالها صدمه وفضلت ټعيط لما عرفت ان انا هسافر
نظر عز الي كارما پحده فقالت كارما بتبرير
كارما بهمس كذاب والله دا انا كنت بعيط يومها عشان شيلت مادتين وهو افتكرني بعيط عشانه
لم يجيبها واكتفي بنظره حاده لاحظتها سيلين ف ابتسمت بينما امسكت كارما يد عز قائله برقه
كارما دا بقا حضره الظابط عز يا كارم اخلاق شطاره نزاهه وسامه لباقه شياكه اناقه يتحط ع الچرح يطيب احنا ممكن نعمل منه مراهم ونبيعها في الصيدليات
ضحك كل من علي الطاوله بينما ابتسم عز بخفوت وهمس لها
 لو فاكره اني هعدي عمايلك بالكلمتين دول ف موعدتكيش
قلبك ابيض بقا يا زوز يعني ههون عليك تزعلني وانا حلوه ومتشيكه كده
قالتها كارما بهمس وهي ترف عينيها كده مرات وتميل اليه بدلع ف ابتسم عز وقال
اموت واعرف المياصه دي كانت فين قبل كده انت نزلتي ابديت جديد ولا اي بس عجبني علي فكره
قالها وهو يغمز فضحكت كارما ولم تجيب ولكن كانت تفكر بينها وبين نفسها ان عز شديد اللطف في الخصام ف هو لا يجعلها تبذل اي جهد لكي تراضيه حتي الان لم يدوم خصامه لها ال 15 دقيقه حتي وهذا شئ في غايه اللطف هي تجذم ان غضبه قبيح جدا ولكنه سهل الطباع ولين المعامله معها كانت تفكر في ذلك وهي تنظر له من حين لأخر حتي لاحظها وقال لها في ابتسامه
عز بهمس عارف اني قمور و وسيم بس مش كده امسكي نفسك شويه اتكشفتي خلاص
كارما بهمس وهتبقي قمور اكتر لو اديتني حته من الفراخ اللي هناك دي عشان ھموت عليها ومكسوفه امد ايدي من بدري عشان المفروض اني كلاس