العهود
انت في الصفحة 1 من 4 صفحات
انتي زعلانة ليه دلوقت مش انتي اللي قولتي انك مش هتديله وش !
نور انتي عارفة حسيت بإيه لما شفت صورته مع خطيبته يا عهود
عهود مش قادره افهمك بصراحة الواد قعد سنه واكتر يلمحلك ويعمل معاكي مواقف حلوة وانتي ولا هنا وجايه دلوقت تقولي زعلانة أنه خطب !
نور كنت فكراه بيحبني وهيتحمل دلالي
عهود خلاص انسي وبعدين انتوا عمركوا ما اتكلمتوا ولا يعني كان فيه قصة حب تزعلي عليها
نور معاكي حق خلاص
عهود معاها حق فعلا ماكانش فيه قصة حب بينا ولا حاجة ولكن اللي كان بينا اجمل قصة حب ممكن حد يعيشها وهي قصة العيون كل حاجة كان ممكن تتقال كانت بتتقال بالعيون والنظرات وانا كنت بفهم هو قصده ايه وهو كمان كان بيفهم لكن عمرنا ما اتكلمنا ولا حاولنا حتى .
فلاش باك
كنت قاعدة بشرب القهوة بتاعتي الصبح زي مانا متعودة اول ما بوصل الكلية وكنت سامعة حوار بين اتنين صحاب بس تقريبا هما كانوا فاكرين أنهم بيتهامسوا لكني كنت سامعة .
طه استني بس يا عم فاروق هتقولها ايه
فاروق اي حاجة بس المهم انها تعرف اني موجود الفت انتباهها يعني
فاروق مش مهم برضوا هروح اكلمها انت شايف اصلا هى قاعدة زي الملاك ازاي
طه ملاك ايه بس انا حاسس اني لو رحت كلمتها مثلا هتضربني
فاروق والله انتم ظالمينها
المهم اني بعد ما سمعت الكلام ده حسدت البنت اللي بيتكلموا عليها فعلا لأنه اد ايه جميل أن حد يحبك بشكل كبير كده في صمت وكل أمله أنه بس يلفت انتباهك .
لو سمحتي
نور بتعجب انا !
فاروق انا فاروق زميلك في القسم
نور بتوتر اهلا يا فاروق
نور خير اقدر اساعدك في حاجة
فاروق مكان المحاضرة كنت عاوز اسألك عن مكان المحاضرة
نور بعد ساعة المحاضرة لسه وهتكون في مدرج أ
فاروق شكرا يا..اسمك ايه
نور أسمي نور
فاروق شكرا يا نور
نور العفو
انتوا متخيلين أن البنت اللي كنت بحسدها من شوية طلعت انا بس عادي انا عارفة أنه كده كده مش هيحصل حاجة بعد الموقف ده لكن كنت غلطانة لأن بعدها الحكاية بدأت .
تاني يوم في الكلية
عهود صباح الخير يا نور
نور ....
عهود مالك متنحة كده ليه !
حكيت لعهود على اللي حصل امبارح وعلى اللي سمعته
عهود نجهز فساتين
