اسكريبت

_ هيحصل ايه لو رُحت قُلتله علي أنا بَحبك؟ 
_ لأ أبداً مش هيحصل حاجه هو بس هيسفخك قلمين علىٰ وشك ومش بعيد يقتلك 
_ ربنا يبشرك بالخير يـ غاليه 
_ حبيبي تسلم 
_ نتكلم جد بقى هسألك سؤال وتجاوبيني بصراحه 
_ قولي 
_ هو اخوكي الغتت دَ مش عايز يحبني ليه فهميني؟ 
_ بصي هنتكلم جد شويه هو احنا ينفع نقول ليه الشخص دَ مش بيحبني اكيد لا أنتِ قلبك دق وحب علي اخويا لَكن هو قلبُه مدقش ليكِ يـ رويدا وكمان هو بيحب واحده معاه فـ الشغل وهيتقدملها قريب 
دمعت: 

_ يعني ايه هيتقدملها يـ حفصه طب وأنا؟ 
حضنتني وطبطبت عليا: 
_ مكُنتش ناويه اقولك يـ رويدا بس كَان لازم اقولك علشان تنسيه وتشوفي حياتك بقى 
_ لو سمحتِ سبيني لوحدي دلوقتي يـ حفصه  
_ حاضر بس أنا والله مش عايزاكِ تتجرحي وتتكسري فـ يوم واكيد ربنا مش كاتبلِك نصيبك مع علي وهيجي اللي يعوضك عن كُل دَ والله صدقيني

مشيت حفصه وأنا رُحت اتوضيت وصليت ركعتين وقعدت ادعي كتير اوي لأني عارفه إن الليله دي مش هنام وهقعد اعيط وبس عُمري مـ اتخيلت إن علي يكون مع واحده غيري رسمت حياتنا فـ خيالي وكانت حياتنا فيها كُل شئ حلو بس اللي أنا مُتأكده منُه هو إن هيجي يوم وربنا هيعوضني عن كُل اللي بيحصل دَ  .

_ حفصه هتروحي الكُليه بكره ولا؟ 
اتوترت: 
_ لأ طبعاً خطوبة علي بكره 
_ طيب ربنا يتممله علىٰ خير 
_ مِن قلبك ؟ 
_ مبقتش فارقه صَدقيني 
_ والله مقدرش علىٰ زعلك حقك عليا والله 
_ مټخافيش أنا كويسه 
_ مضطرة اصدقك يـ رويدا 
_ اقفلي الحوار دَ دلوقتي 
_ حاضر

النهارده خطوبتُه علىٰ واحدة غيري مش عارفه اوصف احساسي ومشاعري لَكن أنا مش هقدر افضل فـ البيت اليوم دَ قررت اروح إسكندريه عند عمتو بحكم إن مامتي متوفيه وبابا اتجوز مِن بعدها فـ محدش باقيلي غير عمتو وحفصه صحبتي

رُحت لـ عمتو وكانت وحشاني جداً وقضينا يوم لطيف مع بعض و هون كتير اوي عليا كُنت همشي على آخر الليل بس عمتو موافقتش و قالتلي اقعد اسبوع كمان

فـ يوم محمد إبن عمتو اقترح علينا إننا نخرج أنا وهو وعمتو ونروح بَحر إسكندريه ونقضي يوم هناك وافقت طبعاً لأني بحب إسكندريه وبحرها جداً

رُحنا البحر وقعدنا و لَقيت محمد بيقولي تحبي اصورِك وافقت طبعاً لأني كُنت عايزه اتصور بس اتكسفت اقول لـ عمتو او محمد  ، صورني صور كتير حلوه اوي وعمتو كانت بتتكلم فـ التليفون راح قالها إننا هنتمشى شويه وهنرجعلها تاني