رواية مثيره لوليد ابراهيم كامله جميع الفصول

الحلقة 1
رشا..رشا..اصحى الساعة بقت 6ونص
طيب يامجدى..هقوم اهو
قومى العيال هيتأخروا على المدرسة
اووووف بقى زهقت
زهقتى من ايه... ماانا بقولك اقعدى فى البيت وانتى اللى ماسكة فى الشغل
بقى بذمتك ده وقته للكلام ده عموما هرد عليك نفس الرد بتاع كل مرة..انا متعلمتش وبقيت دكتورة زيك علشان اقعد فى البيت مش كفاية حرمتنى يبقى عندى عيادة زى باقى الناس 
ماهو ده اللى كان ناقص كمان تبقى فى المستشفى الصبح والعيادة بالليل
خلاص بقى يامجدى انا مش هسيب المستشفى ومش بقول عايزة عيادة ارحمنى بقى من الاسطوانة دى
ومشيت رشا من الاوضة ودخلت اوضة ولادها

رامز...يالا اصحى... رودى قومى
وقربت من رامز وشالت الغطا من عليه...وقيمته علشان يدخل الحمام ولما قام قربت من رودينا وشالت الغطا ومسكت ايدها تقيمها
ايه دهانتى سخنة كده ليه
زورى بيوجعنى يامامى
سلامتك ياحبيبتى قومى ادخلى الحمام وانا اديكى دوا هتبقى كويسة بس يالا علشان متتأخريش
مش قادرة اقوم
ودخل مجدى على صوت كلامهم
فيه ايه
رودى سخنة شوية هديها مضاد حيوى وخافض للحرارة وهتبقى كويسة
مش قادرة اقوم يابابى
وقرب مجدى منها وجسها
البنت تعبانة وانتى عايزاها تروح المدرسة
ماهو رامز عنده امتحان ومينفعش يغيب النهاردة علشان يقعد معاها
اقعدى انتى مش مامتها
مينفعش انا عندى عملية الساعة 9
تتأجل..واقعدى ببنتك
مينفعش تتأجل لان الولد عنده السكر وما صدقنا اتظبط علشان اعمل العملية
طب وبعدين
انت ممكن تتأخر شوية... اقعد معاها وانا على الساعة 12 بالكتير اكون هنا
بابا خليك معايا
حاضر يا حبيبتى... بس متتأخريش يادكتورة لازم انزل قبل 12
بدأت الحرارة تنزل بعد ما رودينا اخدت الادوية وقعد مجدى معاها وبدأ يلبس الساعة 11ونص ولما جت 12الا ربع ورشا مجتش اتصل بيها
انتى فين يارشا
انا فى المستشفى خلصت اهو
يعنى ايه لسه...انا لازم انزل دلوقتى
بقولك جاية اهو
وانا اعمل ايه دلوقتى
هى رودى صاحية
ايوه
طيب هات اكلمها
رودى حبيبة ماما شطورة صح...بابا هينزل ويفتح لك التليفزيون على الكارتون ...وماما شوية وجاية..صح يا شطورة هتقعدى
حاضر يامامى
هاتى بابى بقى
ايوه...هتصرف ازاى انا دلوقتى
انزل انت وافتح لها التليفزيون على اى قناة كارتون وانا خلاص خرجت من المستشفى هاخد تاكسى واجى
لما دخلت رشا البيت...شافت التليفزيون مفتوح ورودينا مش موجودة... دخلت تشوفها فى الاوضة... ملقيتهاش...فى الحمام... فى المطبخ ...فى كل جزء فى البيت...مش موجودة
بدأ القلق يتملك منها حتى لما اتصلت بمجدى وهى بټعيط
مجدى انت اخدت رودى معاك
اخدتها ايهلا طبعا
البنت مش موجودة فى البيت
يعنى ايه مش موجودة.. انا فتحت لها التليفزيون وقعدتها واطمنت عليها ونزلت...مفيش من نص ساعة
بدأ صوت عياط رشا يعلا
مش موجودة خالص فى البيت...هتكون فين يعنى...تعالى يامجدى انا خاېفة
طيب انا جاى حالا بس حاولى تشوفي ممكن تكون راحت فين
انا هخبط على الجيران كلهم يمكن تكون عند حد فيهم
طيب اسالى عم مرسى الاول
طيب...بس متتأخرش عليا
وبعد ماقفلت معاه نزلت جرى على مرسى البواب مكنش موجود ومسكت العمارة باب باب تسأل على رودينا...الجيران اللى تعرفهم واللى متعرفهمش وبعد ربع ساعة كان مجدى عندها
وبدأوا يحطوا السيناريوهات المحتملة لاختفاء رودينا واللى ممكن تفكر فيها بنت عندها 5 سنين
يمكن تكون نزلت تشترى اى حاجةبس ممعهاش فلوس
يمكن نزلت تستنى مامتها فى الشارع طيب راحت فين
يمكن يكون حد من الاقارب جه ولما لقاها لوحدها اخدها معاه
ووصلت رشا للاڼهيار وهى مش عارفة بنتها فين
واتصل مجدى بكل الاقارب والمعارف...ومفيش فايدة
ولما جه رامز من المدرسة وعرف اللى حصل كان طول الوقت قاعد فى حضڼ مامته وبيعيط
الوقت بيمر ومفيش اى اخبار عن رودينا
البيت كل شوية زوار يطمنوا ويواسوا رشا
مجدى نزل يدور فى المستشفيات والاقسام...ومفيش اى جديد
واول ما مر 24 ساعة عمل محضر غياب
واليوم بيمر ورا التانى ورا التالت ومفيش اى اخبار
فى مكتب المقدم هانى محروس مفتش المباحث
هانى باشا فيه اشارة جت دلوقتى... بالعثور على چثة طفلة مقتولة وملقاة فى عمارة مهجورة
الحلقة 2
لما اتنقل المقدم هانى لمكان الاشارة وهى عمارة مهجورة تحت الانشاء...طلع لمكان الچثة فى الدور التانى
بدأ يتفقد الچثة هو ومساعده حسام... 
واضح ياباشا انها ماټت مخڼوقة بالايشارب اللى على رقبتها ده
اه فعلا... بس ياترى القاټل قټلها هنا ولا جايبها هنا مقتولة
مش عارف.. بس كده ياباشا يبقى القاټل ست
ليه علشان الايشارب يعنى...لا مش شرط ياحسام اى راجل ممكن يجيب ايشارب سهل يعنى
بس طفلة زى دى هتكون اټقتلت ليه
واضح ياحسام ان الهدف مش سړقة لانها لابسة حلق وخاتم دهب وسلسلة باينة من تحت الايشارب بس دى تقريبا فضة
تفتكر ياباشا ممكن يكون اڠتصاب
احتمال وارد هنتأكد من الطب الشرعى... وممكن يكون اڼتقام
واتجه هانى للدورية اللى بلغت الاشارة
مين اللى اكتشف الچثة
الراجل اللى واقف هناك ده 
واتجه هانى ناحية راجل بهدوم مقطعة وباين عليه مچنون او من مدعى الجنون...وسأله وهو مش متأكد من اجاباته ان كانت عاقلة ولا زى ماهو باين من شكله
انت اللى اكتشفت الچثة 
وهز الراجل راسه بالايجاب
ايه اللى جابك هنا
انام
انت ملكش بيت
لا ياباشا... انا بنام فى اى حتة
ماانت بتعرف تتكلم وترد كويس اهو
انا مش مچنون...انا زاهد الدنيا
يعنى انت اللى اكتشف الچثة وبلغت
ايوه انا بمشى على باب الله من حتة لحتة ولما اتعب ولا احس انى عايز انام اقعد تحت كوبرى ولا عمارة زى دى انام فيها...النهاردة لقيت البت دى نزلت اتصلت بالنجدة من تليفون راجل كان ماشى فى الشارع
حسام...جمع لى بلاغات الغياب اللى تتطابق مع اوصاف البنت... وانا رايح مشوار ساعة وراجع على المكتب تكون حضرتهم
دخل هانى بيته بكل هدوء... ومشى يتسحب لحد اوضة النوم
فتح بكل هدوء وبص شاف مراته نايمة 
رجع تانى بكل هدوء على المطبخ...وحضر صينية اكل ورجع بيها تانى على الاوضة
رباب..رباب قومى
هانى...انت جيت برضه
قومى ياحبيبتى اتغدى وخدى الدوا قبل ماانزل
لما انت هتنزل تانى ايه اللى جابك بس ..كده تعب عليك
تعبك راحة ياحبيبتى...مقدرش مطمنش عليكى
ربنا يخليك ليا
ويخليكى ليا ويقومك بالسلامة...يالا كلى وانا هغير هدومى وانزل بعد ماتاخدى الدوا
مالك يا هانى مستعجل كده ليه
ورايا شغل..متشغليش بالك انتى بس...ولو اتاخرت اوعى تقومى من السرير ولا تعملى اى حاجة لحد ماجى
حاضر...بس متشيلش همى
ازاى بس...يعنى كل تعبنا اللى فات ده ومنستحملش الكام شهر الجايين علشان حلمنا يتحقق والطفل اللى بنستناه من 10 سنين ييجى بالسلامة...لازم تنفذى كل كلام الدكتور ومتتحركيش زى ماقال
حاضر ياهانى...ربنا يجيبه بالسلامة
ها ياحسام...شفت البلاغات
ايوه ...كل الاوصاف تنطبق على بنت اسمها رودينا مجدى اختفت من 3 ايام
اتصل باهلها يتعرفوا عليها..
وتمتم بصوت واطى ...ربنا يكون فى عونهم
الصدمة كانت كبيرة جدا على مجدى لما راح المشرحة واتعرف على چثة رودينا...وخلص اجراءات الډفن بعد ماالنيابة صرحت بډفن الچثة...كل ده من غير ما رشا تشوفها اشفاقا منه عليها
اثبت التقرير انها ماټت خنقا ولم تتعرض لاى اعتداء جنسى ولا تعذيب ولا اى اصابات من اى نوع
بعد الډفن بيومين راح هانى بيت مجدى
كان الوضع صعب جدا البيت مليان ناس من اقارب رشا ومجدى والكل مڼهار ومش مصدق اللى حصل
وانفرد هانى بمجدى ورشا
هانىالبقاءلله..انا عارف ان الوضع صعب بس لازم اتكلم معاكوا علشان نوصل للقاټل بسرعة
رشاوهى بټعيطانا نفسى اعرف مين جاله قلب يعمل كده فى طفلة معملتش اى حاجة ...ليه ېموتها
هانىهى كانت لابسة دهب كتير
رشالا حلق وخاتم بس
هانىودول موجودين يعنى القاټل مكنش غرضه السړقة
مجدىيعنى تقصد انه